ۆەنگريا عالىمدارى يتتەر كەيبىر سوزدەردىڭ ماعىناسىن تۇسىنەتىنىن دالەلدەدى

يت يەلەرى ءۇي جانۋارلارىنىڭ ادام ءتىلىن تۇسىنەتىنىن ايتتى. دوپ اكەلسىن دەسەڭ، گازەت نەمەسە باسقا نارسە ەمەس، دوپ اكەلەدى. قازىر مۇنى ۆەنگر عالىمدارى دا راستادى.

تاجىريبە بارىسىندا يت يەلەرى ويىنشىقتاردىڭ اتىن ايتىپ، سوسىن كورسەتىپ، ءۇي جانۋارىنا بەرىپ، كەيدە ادەيى قاتەلەسەتىن. مىسالى، ولار دوپتى سۇيەك دەپ اتادى.

قورىتىندى كورسەتكەندەي، يتتەردىڭ ميى ويىنشىقتاردىڭ دۇرىس جانە دۇرىس ەمەس اتاۋلارىنا باسقاشا رەاكسيا تانىتتى. زەرتتەۋدە ءينۆازيۆتى ەمەس ەلەكترودتار قولدانىلدى.

«ەگەر يت زاتتى بىلدىرەتىن ءسوزدىڭ ماعىناسىن شىنىمەن تۇسىنەتىن بولسا، وندا ول ءدال سول نىساندى كورەدى دەپ سەندىك. ال ەگەر يەسى باسقا زاتتى كورسەتسە، وندا ءيتتىڭ ميىندا تاڭقالۋ رەاكسياسى پايدا بولادى. ءدال سولاي بولىپ شىقتى»، - دەدى ەتۆوش لوراند ۋنيۆەرسيتەتىنەن زەرتتەۋشى مارياننا بوروش.

عالىمداردىڭ ايتۋىنشا، يتتەر دە ادامدار سياقتى زاتتىڭ اتىن ەستىگەندە ونىڭ «پسيحيكالىق بەينەسىن» ەلەستەتەدى.

اۆتور

زارينا تۋعانبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى