ەنەرگەتيكا مينيسترلىگى كوكتەمگى ەگىس ماۋسىمىنا ديزەل باعاسىن ۇسىندى

- 2025 -جىلعى 30-قاڭتاردا ا ي-92 جانە ديزەل وتىنىنىڭ باعاسىن مەملەكەتتىك رەتتەۋ الىندى. ەنەرگەتيكا مينيسترلىگى ۇسىناتىن ديزەل وتىنىنىڭ قازىرگى باعاسى تاعايىندالعان ستانسياعا دەيىن ليترىنە 232 تەڭگەنى قۇرايدى. تۇپكى باعانى وپەراتورلار بەلگىلەيدى جانە ليترىنە 254 تەڭگە قۇراۋى مۇمكىن. بۇل جانارماي ستانسالارىنداعى بولشەك ساۋدا باعاسىنان %15 تومەن. جانار-جاعارماي ماي قۇيۋ ستانسياسىنىڭ باعاسى كوتەرىلگەن سايىن باعا پروپورتسيونالدى تۇردە كوتەرىلەدى، - دەدى ول.

ونىڭ ايتۋىنشا، بيىلعى ماۋسىمدا ديقاندارعا مىڭ توننا ديزەل جەڭىلدەتىلگەن باعامەن بوساتىلماق.

- 2025 -جىلعى 1-اقپان مەن 30-ماۋسىم ارالىعىنا «2025 -جىلعى كوكتەمگى ەگىس جۇمىستارىنا 401 مىڭ توننا ديزەل وتىنىن بەرۋ گرافيگى بەكىتىلدى. بۇعان دەيىن، 2 جىل ىشىندە باعا وڭىرلەرگە جەتكىزۋ شىعىنىن قوسقاندا ليترىنە 228 تەڭگە كولەمىندە ۇستالدى. بۇل تۇپكىلىكتى اۋىل شارۋاشىلىعى تاۋارىن وندىرۋشىلەر ءۇشىن باعانى ليترىنە 250 تەڭگە كولەمىندە ۇستاۋعا مۇمكىندىك بولدى. ديزەل وتىنىن جەتكىزۋ جونىندەگى وپەراتورلاردىڭ مارجاسى - ليترىنە 22 تەڭگە. ول جانارماي قۇيۋ ستانتسياسىنىڭ مارجاسىنان ەداۋىر جوعارى، - دەدى مينيستر.

ەسكە سالساق، 2025 -جىلدىڭ قاڭتارىنان باستاپ جانار-جاعارمايدىڭ بولشەك جانە كوتەرمە باعاسىنا قويىلىپ جۇرگەن شەكتى الىپ تاستاۋ تۋرالى شەشىم قابىلدانعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى