نۇرسۇلتان تۇرسىنوۆ گرەك-ريم كۇرەسىنەن وليمپيادا جولداماسىنا يە بولدى

اباي وبلىسىنىڭ تۋماسى نۇرسۇلتان تۇرسىنوۆ (جەكە باپكەرى ەرعازى ساعىنايەۆ) 87 كەلىگە دەيىن سالماقتا قولا جۇلدە ءۇشىن باسەكەدە وليمپيادا چەمپيونى، ۋكراينالىق جان بەلەنيۋكقا ەسە جىبەردى.

دەگەنمەن جارىس شارتى بويىنشا جەڭىلىپ قالعاندار ءۇشىن تاعى ءبىر جولداما ويناتىلدى.

بۇل بەلدەسۋدە نۇرسۇلتان ازەربايجاندىق يسلام ابباسوۆتى 8:0 ەسەبىمەن بەت قاراتپاي، ايقىن باسىمدىقپەن ۇتتى.

ءسويتىپ ءوز سالماعىندا بەسىنشى ورىنعا تابان تىرەپ، وليمپيادا جولداماسىن جەڭىپ الدى.

وسىلايشا، كۇرەس تۇرلەرىنەن دۇنيەجۇزىلىك دودادا قازاقستان قۇراماسىنا قوس جولداما بۇيىردى.

بۇعان دەيىن ەركىن كۇرەستەن ازامات داۋلەتبەكوۆ قولا جۇلدەگەر اتانىپ، وليمپيادا ليتسەنتسياسىن قانجىعاسىنا بايلاعان ەدى.

ەسكە سالا كەتەيىك، بۇدان بۇرىن ءجاميلا باقبەرگەنوۆانىڭ ازيا ويىندارىندا وليمپيادالىق سالماقتا كۇرەسەتىنىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى