نۇرسۇلتان نازاربايەۆ قازاقستاندىقتارعا العىس ايتتى
تۇڭعىش پرەزيدەنت نۇرسۇلتان نازاربايەۆ قازاقستاندىقتارعا العىس ايتتى، دەپ حابارلايدى Kazinform.
«ءىنىمنىڭ مەزگىلسىز قايتىس بولۋىنا وراي ايتىلعان جىلى سوزدەر مەن شىنايى تىلەكتەرىڭىزگە ريزاشىلىعىمدى بىلدىرەمىن. وسىنداي اۋىر ساتتە سىزدەردىڭ كورسەتكەن قولداۋلارىڭىز ماعان كۇش-قۋات بەردى. جاقىن ادامنان ايىرىلۋ ورنى تولماس قاسىرەت. ول ۇزاق جىلدار بويى اۋىردى، ءبىراق بىزگە ەشقاشان قينالعانىن بىلدىرتپەدى. سوڭعى كۇندەرى ءبىرقاتار ەلدىڭ باسشىلارىنان كوڭىل ايتۋ جەدەلحاتتارىن الىپ جاتىرمىن. سونداي-اق، ماعان ەلىمىزدىڭ ساياسي جانە قوعام قايراتكەرلەرىنەن، دەپۋتتاتار مەن ديپلوماتتاردان، ءدىني قىزمەتكەرلەر مەن بيزنەس قوعامداستىق وكىلدەرىنەن، سونداي-اق كوپتەگەن قازاقستاندىقتاردان حاتتار كەلىپ ءتۇستى. قايعىمدى ءبولىسىپ، قولداۋ بىلدىرگەن بارلىق جانعا العىسىمدى ايتامىن. شىنايى نيەتتەرىڭىزگە كوپ راحمەت»، - دەپ جازادى نۇرسۇلتان نازاربايەۆ ءوزىنىڭ رەسمي سايتىندا.
ەسكە سالا كەتەيىك، بولات نازاربايەۆ 13- قاراشادا الماتىنىڭ ورتالىق كلينيكالىق اۋرۋحاناسىندا كوز جۇمعان بولاتىن.
