نۇرسۇلتان نازاربايەۆ پەن ونىڭ وتباسىندا قانداي ارتىقشىلىقتار قالدى
ق ر ادىلەت ءمينيسترى ازامات ەسقارايەۆ بۇرىنعى پرەزيدەنت نۇرسۇلتان نازاربايەۆ پەن ونىڭ وتباسىندا قانداي ارتىقشىلىقتار قالعانى جونىندە سۇراقتارعا جاۋاپ بەردى، دەپ حابارلايدى Kazinform.
«قازاقستان زاڭناماسى نۇرسۇلتان نازاربايەۆ پەن ونىڭ وتباسىنا ارنايى ارتىقشىلىقتار بەرگەن نورمالاردان تولىق تازاردى دەپ ايتا الامىز با؟» - دەپ سۇراق قويدى تىلشىلەر ۇكىمەت كۋلۋارىندا.
«بۇل جۇمىس جالعاسىپ جاتىر جانە زاڭناماعا ءتيىستى تۇزەتۋلەر ەنگىزىلدى، ءبىراق مۇنىڭ ءبارى قاڭتاردا قابىلدانعان زاڭدى جۇزەگە اسىرۋدىڭ قيسىندى جالعاسى بولدى. جۇمىس ءالى دە جۇرگىزىلۋدە»، - دەپ جاۋاپ بەردى ادىلەت ءمينيسترى.
سونىمەن بىرگە، جۋرناليستەر بۇرىنعى پرەزيدەنت پەن ونىڭ وتباسىندا قانداي ارتىقشىلىقتار قالعانىن سۇرادى.
«ونىڭ (ن. نازاربايەۆتىڭ - رەد. ) قول سۇعىلماۋشىلىق كەپىلدىگى بار، كولىك قىزمەتىنە قۇقىعى بار، ءتيىستى تۇرعىن ۇيمەن قامتاماسىز ەتىلگەن. بۇل كەپىلدىكتەر ونىڭ وتباسىنا بەرىلمەيدى»، - دەدى ا. ەسقارايەۆ.
