نۇرلان ساۋرانبايەۆ ق ت ج نەلىكتەن كرەديتكە باتىپ قالعانىن ءتۇسىندىردى

«2030-جىلعا دەيىن 800-دەن استام ۆاگون ساتىپ الىنادى. جولاۋشى تاسىمالى مەملەكەتتىڭ الەۋمەتتىك قىزمەتى سانالادى جانە وعان اقشا رەسپۋبليكالىق بيۋدجەتتەن بولىنەدى»، - دەدى نۇرلان ساۋرانبايەۆ ۇكىمەت وتىرىسىنان كەيىن ب ا ق وكىلدەرىنىڭ ساۋالىنا وراي.

سونىمەن قاتار ول كومپانيانىڭ قارجىلىق جاي-كۇيىنە توقتالدى.

«ەگەر 2019-جىلدى الساق، وندا نەگىزگى ستراتەگيالىق ماقسات كومپانيانىڭ قارجىلىق تۇراقتىلىعى بولدى. ەكى جىلدان كەيىن بۇل ماسەلە كۇن تارتىبىنەن ءتۇسىپ قالدى. وزەكتىلىگىن جوعالتتى. سوڭعى 2 جىلدا كىرىسىمىز 1,3 تريلليون تەڭگەدەن 2 تريلليون تەڭگەگە دەيىن ارتتى. دەگەنمەن، ق ت ج- نىڭ كرەديتتەنۋ ماسەلەسى قالىپ وتىر. ويتكەنى، تاريفتە كرەديتتى قايتارۋ مولشەرلەمەسى قاراستىرىلماعان. جانە دە قازىرگى ۋاقىتتا بىزگە جاڭا جولدار سالۋ، ۆاگون ساتىپ الۋ بويىنشا قانداي مىندەتتەر جۇكتەلگەنىن كورىپ وتىرسىزدار. ولار جەڭىلدەتىلگەن باعامەن الىنادى. ءبىراق، قالاي دەسەك تە ولار ق ت ج كرەديتى رەتىندە اسەر ەتەدى. سوعان بايلانىستى ءبىزدىڭ كرەديتتەنۋىمىز ارتىپ كەلەدى»، - دەپ تۇسىندىرەدى نۇرلان ساۋرانبايەۆ.

اۆتور

مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى