نۇرلان نىعماتۋليننىڭ ۇلى رەيدەرلىكپەن اينالىستى دەگەن كۇدىككە ءىلىندى - ق م ا
استانا. KAZINFORM - بۇرىنعى ءماجىلىس سپيكەرى نۇرلان نىعماتۋليننىڭ ۇلى نۇرجان نۇرلانوۆ رەيدەرلىك جاساۋ كۇدىگىنە ءىلىندى. بۇل اقپاراتتى قارجىلىق مونيتورينگ اگەنتتىگىنىڭ رەسمي وكىلى راستادى.
- الماتى قالاسى بويىنشا ەكونوميكالىق تەرگەپ-تەكسەرۋ دەپارتامەنتى رەيدەرلىك فاكتىسى بويىنشا قىلمىستىق ءىستى تەرگەپ جاتقانىن راستايمىز، - دەپ جاۋاپ بەردى قارجىلىق مونيتورينگ اگەنتتىگىنىڭ رەسمي وكىلى ەرنار تايجان اگەنتتىك تىلشىسىنە.
سونداي-اق، رەسمي وكىل قىلمىستىق- پروتسەستىك كودەكستىڭ 201-بابىنا سايكەس اتالعان جايتقا قاتىستى وزگە اقپارات جاريا ەتۋگە جاتپايتىنىن ەسكەرتتى.
ەسكە سالايىق، بيىل 3-ناۋرىزدا ەلىمىزدىڭ پروكۋراتۋرا ورگاندارى بۇرىنعى ءماجىلىس سپيكەرى نۇرلان نىعماتۋليننىڭ اعاسى ارعىن نىعماتۋلينگە ىزدەۋ جاريالادى.
كەيىن پروكۋراتۋرا ورگاندارىنىڭ باستاما جاساۋىمەن سىبايلاس جەمقورلىققا قارسى ءىس-قيمىل اگەنتتىگى ىزدەۋ جاريالاعان ا. نىعماتۋليننىڭ ۇستىنەن قانداي باپ بويىنشا ءىس قوزعالعانى ءمالىم بولدى.
سونداي-اق ارعىن نىعماتۋليننىڭ قازاقستاننان تەرگەۋ باستالعانعا دەيىن كەتكەنى بەلگىلى بولدى.
