نۇرلان بايبازاروۆ قانداي جاعداي ۆاليۋتا نارىعىن تۇراقتاندىراتىنىن ايتتى
استانا. KAZINFORM - ۇكىمەت باعدارلامالارىن ىسكە اسىرۋدان ەكونوميكاعا شەتەل ۆاليۋتاسىنىڭ ءتۇسۋى ۆاليۋتا نارىعىن تۇراقتاندىرۋعا اسەر ەتەدى. بۇل تۋرالى ۇكىمەتتە ءوتىپ جاتقان بريفينگتە پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى نۇرلان بايبازاروۆ ايتتى.
- فەرمەرلەردى قولداۋ جالعاسادى. كەلەسى جىلعا كوكتەمگى دالا جۇمىستارىن قارجىلاندىرۋ 700 ميلليارد تەڭگەگە دەيىن ۇلعايتىلدى. بۇگىنگى تاڭدا فەرمەرلەردەن وتىنىمدەر قابىلدانىپ جاتىر. جالپى، ءبىزدىڭ ەكونوميكامىزعا شەتەلدىك كاپيتالدى تارتۋ بويىنشا جۇمىس كۇشەيتىلدى، - دەدى نۇرلان بايبازاروۆ.
ۆيتسە-ءمينيستردىڭ ايتۋىنشا، بيزنەس ءۇشىن جاعدايدى جاقسارتۋ جانە ەكونوميكانى ىرىقتاندىرۋ بويىنشا جۇيەلى جۇمىس جالعاسادى.
- ءبىز ۇكىمەت باعدارلامالارىن ىسكە اسىرۋدان ەكونوميكاعا شەتەل ۆاليۋتاسىنىڭ ءتۇسۋى ۆاليۋتا نارىعىن تۇراقتاندىرۋعا اسەر ەتەدى جانە ەكونوميكانىڭ ودان ءارى وسۋىنە ىقپال ەتەدى دەپ سەنەمىز - دەدى ول.
اۆتور
مارلان جيەمباي
