نۇرلان بايبازاروۆ باسپانانىڭ قىمباتتاۋى جايلى: ونى جوققا شىعارمايمىز

- باسپانا نارىعىنا كەلەر بولساق، قۇرىلىسشىلار ايتاتىن سىرتقى قورابىنا تسەمەنت، ارماتۋرا سىندى قۇرىلىس ماتەريالدارى كەرەك. ونىڭ ءبارىن ءوزىمىز قامتاماسىز ەتىپ وتىرمىز. بىزدە ىشكى ارلەۋگە قاتىستى پروبلەما بار. دەگەنمەن، مۇندا دا شارالار قابىلدانىپ جاتىر. ونەركاسىپ قۇرىلىس مينيسترلىگىنە يمپورتقا تاۋەلدىلىكتەن تەزىرەك ارىلۋ ءۇشىن قازاقستاندا ناقتى ىشكى ارلەۋ ماتەريالدارى بويىنشا قۇرىلىس سالاسىن دامىتۋ جونىندە تاپسىرما بەردىك. باسپانا نارىعىندا يمپورتتالاتىن قۇرىلىس ماتەريالدارىنا باعانىڭ وسۋىنە بايلانىستى باعانىڭ وزگەرۋى ىقتيمال. مۇنى جوققا شىعارمايمىز، - دەدى نۇرلان بايبازاروۆ ب ا ق وكىلدەرىنىڭ ساۋالىنا وراي.

دەگەنمەن، ۆيتسە-پرەمەر وتباسى بانك، قازاقستان تۇرعىن ءۇي كومپانياسى قارجىلاندىراتىن باسپانا قۇرىلىسى كەزىندە 1 شارشى مەتردىڭ شەكتى قۇنى رەتتەلەتىندىگىن باسا ايتتى.

- سوندىقتان دا احۋال باقىلاۋدا بولادى دەپ ويلايمىن. نارىقتىق ۇيلەرگە، بيزنەس، ەليتالى نەمەسە ليۋكس ساناتتاعى باسپانالارعا كەلەر بولساق، وندا ونى نارىقتىڭ ءوزى رەتتەيتىن سياقتى. ياعني، ونداي باعاعا سۇرانىس بولىپ تۇرسا، وندا قۇرىلىس كومپانياسى ساتا بەرەدى. ەگەر سۇرانىس بولماسا، وندا ءبىزدىڭ قۇرىلىس كومپانيالارىمىز وسى جىلداردىڭ ىشىندە ماركەتينگتى ۇيرەنىپ، ساتا الادى، ءتۇرلى سحەمالاردى ۇسىنا الادى دەپ ويلايمىن. ساتۋشى مەن ساتىپ الۋشى ءبىر-ءبىرىن تابار. بۇل ورايدا بارلىعى دا حالىقتىڭ بەلگىلى ءبىر ساناتىنىڭ ساتىپ الۋ قابىلەتىنە بايلانىستى، - دەدى ول.

ەسكە سالساق، مەملەكەت باسشىسى تۇرعىن ءۇي ساياساتىن رەفورمالاۋعا قاتىستى زاڭعا قول قويدى. سونداي-اق جىل باسىندا باسپانا باعاسى 10-15 پايىزعا قىمباتتاۋى مۇمكىن ەكەنى ايتىلعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى