گەننادي گولوۆكين ەندى قازاقستاننىڭ ۇزدىك بوكسشىسى ەمەس

گەننادي گولوۆكين (42-2-1، 37 ك و) ۇزاق ۋاقىت ءۇزىلىس سەبەبىمەن Boxrec.com رەيتينگىنەن شىعارىلدى. وسىلايشا ول قازاقستاننىڭ ۇزدىك بوكسشىلارى تىزىمىندەگى ءبىرىنشى ورىننان ءتۇسىپ قالدى.

گولوۆكيننىڭ ورنىن WBO International نۇسقاسى بويىنشا ورتا سالماقتاعى چەمپيون مەيىرىم نۇرسۇلتانوۆ (19-0، 11ك و) باستى.

قازاقستان بوكسشىلارىنىڭ توپ- ۇشتىگىنە، سونداي- اق WBO نۇسقاسى بويىنشا ورتا سالماقتاعى الەم چەمپيونى جانىبەك ءالىمحان ۇلى (14-0، 9ك و) مەن بەكمان سويلىبايەۆ (17-1، 18ك و) ەنىپ وتىر.

گەننادي گولوۆكينگە كەلەر بولساق، 41 جاستاعى بوكسشى بيىلعى جىلى بارلىق چەمپيوندىق بەلدىگىنەن باس تارتقان بولاتىن. ول رينگكە ورالا ما، الدە سپورتتان كەتۋ شەشىمىن قابىلداي ما - ازىرگە بەلگىسىز.

ايتا كەتەيىك، BoxRec پورتالى تامىز ايىنىڭ باسىندا سالماق ساناتىنا قاراماستان الەمدەگى ۇزدىك بوكسشىلاردىڭ رەيتينگىن جاريالاعان بولاتىن. وندا گولوۆكين تەرەنس كروۋفورد (ا ق ش)، ساۋل الۆارەس (مەكسيكا)، دميتري بيۆول (رەسەي) جانە ناويا ينوۋەدەن (جاپونيا) كەيىنگى 5-ورىندا ورنالاسقان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى