گەننادي گولوۆكين شورت-ترەك قۇراماسىن ازيا ويىندارىنداعى التىن مەدالىمەن قۇتتىقتادى

- قازاقستان ۇلتتىق وليمپيادالىق كوميتەتى اتىنان جانە ءوز اتىمنان گلەب يۆچەنكو، دەنيس نيكيشا، مەرسايد جاقسىبايەۆ، ايبەك ناسەن، ابزال اجعاليەۆ جانە ءادىل عالياحمەتوۆتى حاربيندەگى قىسقى ازيا ويىندارىندا قازاقستان قۇراماسىنىڭ العاشقى التىن مەدالىن جەڭىپ الۋىمەن شىن جۇرەكتەن قۇتتىقتايمىن!

بۇل - قازاقستاندىق شورت-ترەك ءۇشىن الەمدىك دەڭگەيدەگى كەشەندى جارىستارداعى العاشقى جوعارى دارەجەلى جۇلدە جانە مىڭداعان جانكۇيەر وسى تاريحي ءساتتىڭ كۋاسى بولدى. بۇگىن سىزدەر جەڭىسكە دەگەن جىگەرلەرىڭىزدىڭ ارقاسىندا لايىقتى تۇردە تۇعىردىڭ ەڭ بيىك ساتىسىنا كوتەرىلدىڭىزدەر، دەدى كوميتەت پرەزيدەنتى.

ول كوپ جىلدان كەيىن قازاقستاننىڭ ءانۇرانى ازيا قۇرلىعىنىڭ قىسقى دوداسىندا قايتا شىرقالاتىنىن اتاپ ءوتتى.

- سىزدەردى وسى جەڭىسكە جەتەلەگەن باپكەرلەرىڭىزگە ەرەكشە العىس ايتامىن. بۇل جارقىن جەڭىس - بۇكىل ەل ءۇشىن زور قۋانىش. راقمەت، العا، قازاقستان! - دەدى گەننادي گولوۆكين.

ايتا كەتەيىك، قازاقستان قۇراماسى بۇگىن شورت- ترەكتەن قىسقى ازيا ويىندارىنىڭ چەمپيونى اتاندى.

اسحات رايقۇل

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى