نەمىس مارشالىن تۇتقىنداعان قازاق كىم؟
ستالينگراد شايقاسىندا مىڭداعان اسكەرىمەن ويسىراي جەڭىلگەن نەمىس فەلدمارشالى پاۋليۋستى تۇتقىنداعانداردىڭ اراسىندا قازاقتار بار، دەپ جازادى قازاقپارات.
ستالينگراد شايقاسىنا العاش تۋ تىككەن قازاق قالىباي وتەيباي ۇلى بولاتىن. سول ءساتتى كينو دوكۋمەنتاليستەر ءتۇسىرىپ الىپ، «ستالينگراد ەپوپەياسى» دەگەن ەكى سەريالىق دەرەكتى فيلمدە كورسەتىلدى. ول كىسى نەمىس فەلدمارشالى پاۋليۋستى تۇتقىنداۋعا تىكەلەي قاتىستى.
ول بىلاي بولعان. ستالينگراد شايقاسىندا ارمياسى قورشاۋعا تۇسكەن پاۋليۋس تۇتقىنعا بەرىلۋدەن باس تارتقان. تۇتقىندالعانداردىڭ اراسىندا نەمىس قولباسشىسى بولماي شىعىپ، ونى ىزدەستىرەدى. ىزدەۋشىلەر اراسىنداعى قالىباي وتەبايەۆ كارتوپ قابىعىن تەرىپ جۇرگەن 10-12 جاستاعى سەرگەي دەگەن ورىس بالاسىن سوزگە تارتىپ، ءمان-جايىن بىلگەن سوڭ اۋىرىپ جاتقان شەشەسىنە نان بەرگىزەدى. الگى بالادان پاۋليۋستى ىزدەپ جۇرگەنىن ايتادى. بالا ونىڭ تىعىلىپ جۇرگەن جەرىن بىلەتىن بولىپ شىقتى.
بالا سەرگەيدى ەرتىپ، وسى جايدى روكوسسوۆسكيگە ايتىپ، ءبىر توپ اۆتوماتشىلارمەن پاۋليۋستىڭ جاسىرىنعان جەرىن تاۋىپ الادى. بۇل جەر قيراعان ورتالىق امبەباپ دۇكەننىڭ ورنىنداعى دۋال ەكەن. ءسويتىپ، پاۋليۋس باستاعان نەمىستىڭ وفيسەرلەرى تۇتقىندالىپ، قولباسشى روكوسسوۆسكيگە جەتكىزىلەدى.
