نەلىكتەن ۇيالى تەلەفونىڭىز باياۋ قۋاتتالادى: نەگىزگى 5 سەبەپ

ۇيالى تەلەفوننىڭ باياۋ قۋاتتالۋىنىڭ ءجيى كەزدەسەتىن سەبەبىنىڭ ءبىرى - كابەلدىڭ زاقىمدالۋى. ەگەر كابەلدىڭ زاقىمدالعانىن بايقاساڭىز، مىسالى، ونىڭ ءبىر جەرى ءۇزىلىپ نەمەسە بۇگىلىپ قالعانىن كورسەڭىز، ونى اۋىستىرۋ كەرەك. مۇنداي زاتتارعا اقشا ۇنەمدەۋدىڭ قاجەتى جوق، سەبەبى ساپاسىز كابەل اككۋمۋلياتوردى زاقىمدايدى.

بۇزىلعان اداپتەر

ەگەر كابەلمەن پروبلەما بولماسا، تەلەفوننىڭ باياۋ قۋاتتالۋى اداپتەر اقاۋىنان تۋىنداعان بولۋى مۇمكىن. مۇنداي جاعدايدا ونى جاڭاسىنا اۋىستىرۋ كەرەك. جاڭا اداپتەر تاڭداعان كەزدە جەتكىلىكتى قۋاتتىلىعى بار ساپالى ءتۇرىن الىڭىز.

ەسكى اككۋمۋلياتور

سمارتفونداردا قولدانىلاتىن ليتي اككۋمۋلياتورلار پايدالانۋ كەزىندە توزۋعا بەيىم. ادەتتە ولار زاريادتاۋ مەن زارياد ءبىتۋىنىڭ ناقتى تسيكلدەر مولشەرىمەن شەكتەلگەن. ال ودان كەيىن باتارەيانىڭ ءتيىمدى سىيىمدىلىعى ازايادى. بۇل جاعدايدا جالعىز شەشىم - اككۋمۋلياتوردى اۋىستىرۋ.

ۇيالى تەلەفوندى دۇرىس قولدانباۋ

ۇيالى تەلەفوندى دۇرىس قولدانباۋ ونىڭ باياۋ قۋاتتالۋىنا اكەلۋى مۇمكىن. مىسالى، زاريادتالىپ جاتقان تەلەفوندى قولدانساڭىز، اككۋمۋلياتوردىڭ قىزىپ كەتۋىنە جانە ونىڭ باياۋ قۋاتتالۋىنا اكەلەدى. سونداي-اق ۇيالى تەلەفوندى نوۋتبۋك نەمەسە تەلەديدار ارقىلى زاريادتاۋ ۇسىنىلمايدى.

ۇيالى تەلەفون باياۋ قۋاتتالاتىن بولسا، نە ىستەۋ كەرەك؟

كابەل مەن اداپتەر جاعدايىن جۇيەلى تۇردە تەكسەرىپ تۇرىڭىز؛

ەگەر ولاردىڭ زاقىمدالعانىن بايقاساڭىز، جاڭاسىنا جانە ساپالى تۇرىنە اۋىستىرىڭىز.

ەگەر تەلەفونىڭىز ەسكى بولسا، ونىڭ اككۋمۋلياتورىن اۋىستىرىڭىز؛

قۋاتتالىپ جاتقان تەلەفوندى قولدانباڭىز؛

تەلەفوندى نوۋتبۋك نەمەسە تەلەديدارعا سالىپ ەمەس، روزەتكامەن قۋاتتاڭىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى