نەلىكتەن ءىرى ينۆەستورلار كەدەرگىگە تاپ بولدى

- پروبلەمالاردىڭ ءبىرىڭعاي تىزىلىمىنە ينۆەستورلاردان 76 ماسەلەنى جينادىق. قازىر 39 ماسەلە پىسىقتالىپ جاتىر. ولاردىڭ اراسىندا اكىمشىلىك كەدەرگىلەر، جەر ماسەلەسى، قولدانىستاعى زاڭنامانىڭ ماسەلەلەرى، نورماتيۆتىك- قۇقىقتىق اكتىلەرگە وزگەرىستەر ەنگىزۋ، سالىق سالۋ، ينفراقۇرىلىم جانە قارجىلاندىرۋ پروبلەمالارى قامتىلعان. ماسەلەن، ينفراقۇرىلىمنىڭ جەتىسپەۋ مەن ونىڭ تەز ارادا قامتاماسىز ەتىلمەۋى پروبلەماسى بار.

قازىر PepsiCo, Carlsberg, Eurasia Agro Semey سياقتى ءىرى ترانس ۇلتتىق كومپانيالار جانە باسقا دا كومپانيالار ءوز زاۋىتتارىن سالىپ جاتىر. الايدا جەرگىلىكتى اتقارۋشى ورگاندار ينفراقۇرىلىمدى دەر كەزىندە قامتاماسىز ەتپەي وتىر. زاۋىت سالىنادى، ءبىراق ول جۇمىس ىستەمەيدى. اتالعان ماسەلە سالدارىنان ءوندىرىس تۇرالاپ قالادى. نەلىكتەن؟ ويتكەنى مەملەكەتتىڭ كوپتەگەن كەلىسۋ ورگاندارى بار، - دەدى ع. وسپانقۇلوۆ.

ونىڭ ايتۋىنشا، وسى باعىتتاعى شەشىمدەردى جەدەلدەتۋ كەرەك نەمەسە جىلدام شەشىم قابىلداۋ ءۇشىن ءبىر مەملەكەتتىك ورگانعا وكىلەتتىك بەرۋ قاجەت.

- بيزنەس وزىندەگى راسىمدەردى تەز ىسكە اسىرادى، ال مەملەكەتكە تيەسىلى جۇمىستار كەشىگىپ جاتىر. بۇل رەتتە ينۆەستيتسيالىق جوبالارىمىز ساپاسىز بولۋى ىقتيمال نەمەسە مۇلدە جۇزەگە اسپاي قالۋى مۇمكىن. وسى كەمشىلىكتەر ينۆەستورلار اراسىندا جىلدام تارالادى. سوندىقتان قازاقستانعا ينۆەستورلاردى تارتۋ قيىن بولادى. اتاپ ايتقاندا، پرەزيدەنت وسى كەدەرگىلەردى جويۋ باعىتىندا ناقتى تاپسىرما بەردى. مىسالى، LC Waikiki الماتى وبلىسىندا ۇلكەن لوگيستيكالىق كەشەندى سالدى. ەندى ءوز قاراجاتىنا ينفراقۇرىلىم وتكىزەيىن دەسە، قاسىنداعى ادامداردىڭ ءبارى جەرىن الىپ العان، ەشكىم كانال (ينفراقۇرىلىم تارتاتىن) بەرمەي وتىر، رۇقسات بەرمەي جاتىر. قوماقتى اقشا سۇراپ جاتىر، ول دا كوررۋپسياعا الىپ كەلتەتىن ماسەلە. ءوز كەزەگىندە ينۆەستور ولاردىڭ تالابىن ورىنداۋدان باس تارتتى. ەندى اكىمدىكتەن وسى ماسەلەنى شەشىپ بەرۋدى سۇراعان، الايدا ولار دا شەشە الماي جاتىر، - دەدى ينۆەستيتسيا كوميتەتىنىڭ ءتوراعاسى.

بۇدان بۇرىن حابارلانعانداي، ينۆەستورلار كوبىنە قاي ماسەلەلەر بويىنشا شاعىمدانىپ وتىرعانى ءمالىم بولدى.

اۆتور

رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى