ەندى سايلاۋعا بارماعاندار ايىپپۇل تولەيدى
قىرعىزستان جوگوركۋ كەنەشىنىڭ كوميتەتى ازاماتتاردى سايلاۋدا داۋىس بەرۋگە مىندەتتەيتىن جانە ازاماتتىق بورىشىن ورىنداماعان جاعدايدا ايىپپۇل سالاتىن زاڭ جوباسىن قاراپ، ءبىرىنشى وقىلىمدا ماقۇلدادى.
kazinform بۇل تۋرالى كابار اگەنتتىگىنە سىلتەمە جاساپ حابارلايدى.
زاڭ جوباسىنا دەپۋتاتتاردىڭ ءبىرى باستاماشىلىق ەتكەن.
اتالمىش قۇجاتتىڭ نەگىزگى ماقساتى مەن مىندەتى - قىرعىز رەسپۋبليكاسى ازاماتتارىنىڭ ءوز بيلىگىن سايلاۋ مەن رەفەرەندۋمداردا داۋىس بەرۋ ارقىلى جۇزەگە اسىرۋى.
كونستيتۋتسيالىق زاڭ جوباسى دالەلدى سەبەپتەرى بار ادامداردى قوسپاعاندا، ەل اۋماعىندا تۇراتىن قىرعىزستاننىڭ بارلىق ازاماتتارىن ەل پرەزيدەنتى مەن جوگوركۋ كەنەش دەپۋتاتتارىن سايلاۋعا قاتىسۋعا مىندەتتەيتىن نورمانى ەنگىزۋدى كوزدەيدى.
ۇسىنىستى قولداعان دەپۋتاتتار ەل جاستارى سايلاۋعا بارمايتىنىن اتاپ ءوتتى.
ايىپپۇل كولەمىن 5 مىڭ سوم (25763 تەڭگە) كولەمىندە بەلگىلەۋ ۇسىنىلىپ وتىر.
