ەندى كينو سالاسىنا بولىنەتىن قارجى سيفرلىق باقىلاۋدا بولادى

- مادەنيەت جانە ونەر سالاسىن سيفرلىق ترانسفورماتسيالاۋ دەرەكتەردى تالداۋدىڭ زاماناۋي تەحنولوگيالارىن، ونىڭ ىشىندە جاساندى ينتەللەكتىنى ەنگىزۋ جانە اۋقىمدى دەرەكتەردى وڭدەۋ ەسەبىنەن شىعارماشىلىق جوبالاردىڭ ءساتتى شىعۋىن بولجاۋدى كوزدەيدى. بۇل رەتتە كينوتەاترلارداعى كاسسالىق ءتۇسىم تۋرالى بۇرمالانعان دەرەكتەرگە جول بەرمەۋ جانە كىرىستى بولۋدەگى اشىقتىقتىڭ بولماۋىن جويۋ ەسەبىنەن كولەڭڭكەلى اينالىمعا قارسى ءىس-قيمىل بويىنشا شارالار قابىلدانىپ جاتىر، - دەدى جاسلان مادييەۆ ۇكىمەت وتىرىسىندا.

ءمينيستردىڭ مالىمدەۋىنشە، قازىر مادەنيەت جانە اقپارات مينيسترلىگى مەملەكەتتىك قىزمەتتەردىڭ 21 ءتۇرىن كورسەتەدى. ولاردىڭ ىشىندە 12 ءسى تولىعىمەن اۆتوماتتاندىرىلعان.

بىلتىر اتالعان ۆەدومستۆو 530 مىڭعا جۋىق مەملەكەتتىك قىزمەتتەر كورسەتىلگەن، سونىڭ 67 پايىزى ەلەكتروندىق فورماتتا ۇسىنىلدى.

- ءبىز مادەنيەت جانە اقپارات مينيسترلىگىنىڭ 46 بيزنەس-پروتسەسىنە رەينجينيرينگ جۇرگىزدىك. ولاردىڭ ىشىندە كينوجوبالار ءوندىرىسى بويىنشا 3 پروتسەسس جانە ولاردىڭ تاراتىلۋى بويىنشا 3 پروتسەسس. بيۋجەت قاراجاتىن پايدالانۋدىڭ تيىمدىلىگىن ارتتىرۋ ءۇشىن مادەنيەت جانە اقپارات مينيسترلىگىنىڭ تسيفرلىق قۇرالداردى ەنگىزۋ بويىنشا باستاماسىن قولدايمىز، ولار كينونى قارجىلاندىرۋدى نەعۇرلىم اشىق ەتەدى. شىعىستاردى باقىلاۋعا جانە سالىنعان قاراجاتتىڭ تيىمدىلىگىن ارتتىرۋعا كومەكتەسەدى، - دەيدى ول.

سونداي-اق ۇكىمەت باسشىسى تاريحي قۇجاتتاردى سيفرلىق ارحيۆتە ساقتاپ، قولجەتىمدى ەتۋ كەرەكتىگىن تاپسىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى