ەندى كولىك تۋرالى اقپاراتتى قوسىمشا ارقىلى تەكسەرۋگە بولادى
استانا. قازاقپارات - eGov Mobile قولدانۋشىلارى ەندى ءوز اۆتوكولىكتەرى تۋرالى اقپاراتتى ح ق و (سون) بولىمشەلەرىنە بارماي-اق تەكسەرە الادى.
جاڭا قىزمەت ارقىلى قازاقستاندا اۆتوكولىكتىڭ تىركەلگەن كۇنىن، كەپىل نەمەسە شەكتەۋلەردىڭ بار-جوعىن، سونداي-اق بۇرىنعى يەلەرىنىڭ سانىن بىلۋگە بولادى.
بۇل قىزمەتتى پايدالانۋ ءۇشىن eGov Mobile قوسىمشاسىن اشىپ، «قىزمەتتەر» بولىمىنە ءوتۋ كەرەك، ودان كەيىن «جۇرگىزۋ جانە كولىك» جانە «اۆتوكولىك يەلەنۋ تاريحى» ءبولىمىن تاڭداۋ قاجەت.
بۇرىن مۇنداي اقپاراتتى تەك ح ق و بولىمشەلەرىندە عانا الۋعا بولاتىن، بۇل اۆتوكولىك يەلەرى ءۇشىن قوسىمشا قولايسىزدىقتار تۋعىزاتىن ەدى.
