ەندى ەڭبەككە جارامسىزدىق تۋرالى انىقتاما جۇمىس ورنىنا تىكەلەي جىبەرىلەدى
استانا. قازاقپارات - 2025 -جىلدان باستاپ ازاماتتار جۇمىسقا جارامسىز انىقتاماسىن الۋ ءۇشىن كابينەت جاعالاپ، ءمور جيناپ اۋرە بولمايدى، دەپ حابارلايدى BAQ. KZ ءتىلشىسى.
بۇل تۋرالى د س م مەديتسينالىق كومەكتى ۇيىمداستىرۋ دەپارتامەنتىنىڭ باسقارما باسشىسى اسەل قىدىراليەۆا ايتتى. سوزىنشە، قازىر بۇل جۇمىس جارتىلاي عانا جاسالعان. ەندى 2025 -جىلى بۇل تولىعىمەن ەلەكتروندى فورماتتا بولماق.
بىزدە جۇمىسقا تۇرۋعا، وقۋعا تۇسۋگە انىقتامالار، قارۋ-جارىق الۋعا رۇقساتناما، ەڭبەككە جارامسىزدىق پاراعى جانە كولىك جۇرگىزۋگە رۇقسات انىقتاماسى بار. بۇگىندە بۇل جۇمىستى تولىعىمەن اۆتوماتتاندىرۋ جۇمىسى، ياعني ەلەكتروندى نۇسقاعا اۋىستىرۋ جۇرگىزىلىپ جاتىر. ياعني ەندى پاتسيەنت قايتا- قايتا دارىگەردەن قاعاز جۇزىندە وتپەيدى، - دەدى ول.
ونىڭ سوزىنشە، د س م ەڭبەك جانە حالىقتى الەۋمەتتىك قورعاك مينيسترلىگىمەن بىرگە ەڭبەككە جارامسىزدىق پاراعىن تولىق ەلەكتروندى تۇرگن اۋىستىرۋ بويىنشا جۇمىس جۇرگىزىپ جاتىر.
قازىر كوك قاعازدى الۋ ءۇشىن پاتسيەنتتەر ءار كابينەتكە بارىپ، ءمورىن باستىرۋعا قانشاما ۋاقىتى كەتەدى. ەندى پاتسيەنت ەڭبەككە جارامسىزدىق پاراعىن العىسى كەلسە، ەكى مينيسترلىكتىڭ جۇيەلەرى اۆتوماتتى تۇردە ونىڭ جۇمىسىنا حابارلاما باراتىنداي جاسايدى. ياعني ەڭبەككە جارامسىز پاراعى جابىلعان كەزدە انىقتاما بىردەن جۇمىس بەرۋشىنىڭ، ياعني enbek.kz جۇيەسىنە تۇسەدى، - دەپ ايتتى اسەل قىدىراليەۆا.
ال ەگەر پاتسيەنت ەكى جەردە جۇمىس ىستەسە، وندا ەڭبەككە جارامسىز پاراعى ەكى جۇمىس بەرۋشىگە بەردەي جىبەرىلەدى.
