نازاربايەۆتىڭ قورى كوستەنكو شاحتاسىنداعى اپاتقا قاتىستى 50 ميلليون تەڭگە ءبولدى
تۇڭعىش پرەزيدەنت نۇرسۇلتان نازاربايەۆتىڭ قورى كوستەنكو شاحتاسىنداعى اپاتقا قاتىستى 50 ميلليون تەڭگە ءبولدى.
بۇل تۋرالى اقپارات قوردىڭ الەۋمەتتىك جەلىدەگى پاراقشاسىندا پايدا بولدى.
«كوستەنكو اتىنداعى شاحتادا بولعان قايعىلى وقيعاعا بايلانىستى ەلىمىزدىڭ تۇڭعىش پرەزيدەنتىنىڭ تاپسىرماسى بويىنشا نۇرسۇلتان نازاربايەۆ قورى قازا تاپقان كەنشىلەردىڭ وتباسىلارىنا 50 ميلليون تەڭگە كولەمىندە تىكەلەي قارجىلىق كومەك ءبولدى»، - دەلىنگەن حابارلامادا.
ەسكە سالايىق، باستاپقىدا كوستەنكو شاحتاسىندا 7 ادام قازا تاپقانى بەلگىلى بولدى. ارتىنشا قازا تاپقاندار سانى 46 ادامعا جەتتى. سونىمەن قاتار، اۋرۋحانادا جاتقان زارداپ شەككەندەردىڭ جاعدايى ايتىلدى.
پرەزيدەنت قاسىم-جومارت توقايەۆ قارالى جاعدايدان كەيىن «ارسەلورميتتالتەمىرتاۋمەن» ىنتىماقتاستىقتى توقتاتۋدى تاپسىردى.
