نازاربايەۆ ۋنيۆەرسيتەتىنە وقۋعا ءتۇسۋ جەڭىلدەدى

بۇدان بىلاي اقىلى نەگىزدە ءبىلىم الۋدى قالايتىن تالاپكەردىڭ ۇ ب ت سەرتيفيكاتى ەسەپكە الىنادى. ورتالىق ازيانىڭ ۇزدىك وقۋ ورنى ەندى تالاپكەرلەر ءۇشىن ارمان كۇيىندە قالمايدى. سەبەبى تالاپ-ەرەجە وزگەردى. باستى جاڭالىق - اعىلشىن ءتىلى دەڭگەيىنە قويىلاتىن تالاپتار جەڭىلدەدى.

بۇل اسىرەسە تاڭداۋى جاراتىلىستانۋ باعىتىنداعى عىلىمدارعا تۇسكەن تۇلەكتەرگە قاتىستى. سونداي- اق العاش رەت ابيتۋرەنتتەردى ۇلتتىق ءبىرىڭعاي تەستىلەۋ ناتيجەسى بويىنشا وقۋعا قابىلداۋ ىسكە اسادى.

مادينا بايجىگىتوۆا، Nazarbayev University ستۋدەنتتەردى وقۋعا قابىلداۋ دەپارتامەنتىنىڭ باس مەنەدجەرى:

- ءبىزدىڭ ۋنيۆەرسيتەتكە تۇسەتىن تالاپتاردى تالاپكەرلەردىڭ وزدەرىنە وڭايىراق قولجەتىمدىرەك جاسادىق. IELTS بالدارى 5.5-تەن باستالادى. وعان قوسا مەكتەپتىڭ اتتەستاتى بويىنشا GPA بويىنشا دا تۇسۋگە بولادى. ەڭ تومەنگى بال 3,5. جانە ودان باسقا ۇ ب ت ناتيجەسىن دە ۇسىنسا بولادى. تالاپكەرلەر بىزدەرگە تاپسىراتىن بولسا، ول وتە وڭاي. ول ءۇشىن جەكە كابينەت اشادى ءبىزدىڭ پورتالدا. ونىڭ بارلىعى ونلاي جاسالادى.

NU ءبىلىم بەرۋ باعدارلامالارىنىڭ ءتىزىمىن كەڭەيتتى. اسىرەسە مەديتسينا مەكتەبىنىڭ التى جىلدىق باعدارلاماسى قىزىعۋشىلىق تۋدىردى. ينجەنەريا جانە سيفرلىق عىلىمدار مەكتەبى، ورتالىق ازياداعى ەڭ مىقتى سانالاتىن كومپيۋتەرلىك عىلىمدار، Data Science، مەحانيكالىق جانە عارىشتىق ينجەنەريا بويىنشا جەتەكشى باعدارلامالاردى ۇسىنادى. بارلىق اقپارات ۋنيۆەرسيتەتتىڭ رەسمي سايتىندا جاريالانعان. تەك عىلىم-ءبىلىم عانا ەمەس، وقۋ ورداسى جالىندى جاستاردىڭ ستۋدەنتتىك ءومىرىن بارىنشا ءماندى وتكىزۋگە دە كوڭىل بولەتىنىن جەتكىزدى.

بەيبىت اسقار ۇلى، Nazarbayev University ستۋدەنتتەرمەن جۇمىس ىستەۋ دەپارتامەنتىنىڭ باسشىسى:

- جەتى جارىم مىڭ ستۋدەنتىمىزدىڭ بەس مىڭى جاتاقحانادا تۇرادى. ءبىز بارلىق باسقا قالالاردان كەلەتىن ستۋدەنتتەردى 100 پايىز جاتاقحانامەن قامتاماسىز ەتەمىز. NU تۇلەكتەرى جەتەكشى قازاقستاندىق جانە حالىقارالىق كومپانيالاردا جۇمىس ىستەيدى، تۇلەكتەردىڭ جۇمىسقا ورنالاسۋ دەڭگەيى %98. ال وقۋ ۇدەرىسىندەگى سوڭعى وزگەرىستەر ولاردىڭ قاتارىن ەسەلەي تۇسەدى دەگەن ءۇمىت زور.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى