نازاربايەۆ ۋنيۆەرسيتەتى «ءتيىمسىز يگەرىلگەن 73 ميلليارد تەڭگەگە» قاتىستى تۇسىنىكتەمە بەردى

ۋنيۆەرسيتەتتىڭ باسپا ءسوز قىزمەتى ءمالىم ەتكەندەي، جالپى جوعارى اۋديتورلىق پالاتا ۋنيۆەرسيتەتتىڭ حالىقارالىق ءبىلىم بەرۋ مەكەمەسىنە اينالىپ، ايتارلىقتاي جەتىستىكتەرگە جەتكەنىن اتاپ ءوتتى.

- ۋنيۆەرسيتەت ءبىلىم بەرۋ باعدارلامالارىن حالىقارالىق ساپا ستاندارتتارىنا ساي ەتىپ، ءبىلىم بەرۋ مەن عىلىمي زەرتتەۋلەر دەڭگەيى جوعارى ەكەنىن كورسەتتى. بۇل كوپتەگەن اككرەديتاتسيا جانە الەمدەگى جەتەكشى ۋنيۆەرسيتەتتەرمەن سەرىكتەستىكتەرمەن راستالادى. بۇل رەتتە اۋديت بارىسىندا انىقتالعان قارجىلىق بۇزۋشىلىقتار بيۋدجەتتىك باعدارلاما شەڭبەرىندە ستۋدەنتتەردىڭ جول ءجۇرۋى بويىنشا وتەماقىنى جانە مەملەكەتتىك شاكىرتاقىلاردى ەسەپتەۋگە بايلانىستى جانە ۋنيۆەرسيتەتتىڭ اكادەميالىق جانە عىلىمي قىزمەتىنە قاتىسى جوق. اۋديتورلىق ەسەپكە سايكەس، ۋنيۆەرسيتەت جانە ونىڭ ۇيىمدارى بەلگىلەنگەن تارتىپپەن ق ر جوعارى اۋديتورلىق پالاتاسىنىڭ ۇسىنىمدارىن ورىنداۋ جونىندەگى ءىس-شارالار جوسپارىن ازىرلەدى، ول بويىنشا ءتيىستى جۇمىس جۇرگىزىلىپ جاتىر. جوعارىدا اتالعان جوسپاردىڭ ورىندالۋ بارىسى تۋرالى اقپاراتتى ۋنيۆەرسيتەت جوعارى قامقورشىلىق كەڭەس پەن قامقورشىلىق كەڭەسكە تۇراقتى نەگىزدە ەنگىزىپ وتىراتىن بولادى، - دەلىنگەن حابارلامادا.

ايتا كەتەيىك، 2024 -جىلى ۋنيۆەرسيتەتتى رەسپۋبليكالىق بيۋدجەتتەن قارجىلاندىرۋ كولەمى %50- دى قۇرايدى، قالعان سوما ەنداۋمەنت-قور جانە دەمەۋشىلەر، سونداي-اق ءبىلىم بەرۋ، عىلىمي-زەرتتەۋ جانە وزگە دە قىزمەتتەردى ۇسىنۋ ەسەبىنەن جينالادى.

كونكۋرستىق راسىمدەردى قولدانباي، ساتىپ الۋ نازاربايەۆ ۋنيۆەرسيتەتىنىڭ قامقورشىلىق كەڭەسى بەكىتكەن ساتىپ الۋ قاعيدالارىندا كوزدەلەتىنىن حابارلايمىز. ولار ستراتەگيالىق سەرىكتەس ۋنيۆەرسيتەتتەرگە، سونداي-اق اكادەميالىق جانە عىلىمي قىزمەت سالاسىندا قىزمەت كورسەتەتىن باسقا دا كونتراگەنتتەرگە قاتىستى قولدانىلادى. ءوز تاراپىنان ۋنيۆەرسيتەت اعىمداعى قىزمەتتەگى كورسەتىلگەن كەمشىلىكتەردى جويۋدان باسقا، بولاشاقتا وسىنداي تاۋەكەلدەرگە جول بەرمەۋ ءۇشىن جۇمىس ىستەيتىن بولادى. بۇل رەتتە ۋنيۆەرسيتەت جاڭا ءبىلىم بەرۋ باعدارلامالارىن اشۋدى، اقىلى نەگىزدە ءبىلىم الۋشىلار سانىن ۇلعايتۋدى، جاساندى ينتەللەكت جونىندەگى جوبانى جانە وزگە دە عىلىمي جوبالاردى ىسكە اسىرۋدى جوسپارلاپ وتىر. سونداي-اق، عالىمدار مەن مامانداردى دايارلاۋ جونىندەگى ءوزىنىڭ ستراتەگيالىق مىندەتتەرىن ىسكە اسىرۋدى تولىققاندى قامتاماسىز ەتۋدى جوسپارلاپ وتىر. سونىمەن قاتار، كوممەرتسيالاندىرۋعا باعىتتالعان جانە قازاقستاننىڭ دامۋى مەن وركەندەۋى ءۇشىن قاجەتتى يننوۆاتسيالىق عىلىمي جوبالار بويىنشا جۇمىس ىستەۋدى جالعاستىرادى، - دەپ تۇيىندەدى ج و و باسپا ءسوز قىزمەتى.

وسىعان دەيىن نازاربايەۆ ۋنيۆەرسيتەتىندە 73 ميلليارد تەڭگەنىڭ ءتيىمسىز يگەرىلگەنى انىقتالعانىن حابارلاعان ەدىك.

اينۇر تۋماكبايەۆا

اۆتور

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى