نايزاعاي، جاڭبىر، داۋىل: 24-مامىرعا ارنالعان اۋا رايى بولجامى
استانا. KAZINFORM - ەلىمىزدىڭ باسىم بولىگىنە اتموسفەرالىق فرونتالدى بولىكتەر اسەر ەتىپ، جاڭبىر جاۋادى.
«قازگيدرومەت» ر م ك مالىمەتى بويىنشا، ەلىمىزدىڭ باسىم بولىگى اتموسفەرالىق فرونتاردىڭ ىقپالىندا بولعاندىقتان، تۇراقسىز اۋا رايى ساقتالادى، نايزاعايمەن جاڭبىر، داۋىلدى جەل كۇتىلەدى.
رەسپۋبليكامىزدىڭ سولتۇستىگىندە - قاتتى جاۋىن- شاشىن (جاڭبىر، قار)، سولتۇستىك- باتىسىندا، وڭتۇستىگىندە - قاتتى جاڭبىر جاۋادى، رەسپۋبليكامىزدىڭ سولتۇستىگىندە، سولتۇستىك- باتىسىندا، وڭتۇستىگىندە، شىعىسىندا بۇرشاق جاۋادى دەپ كۇتىلۋدە.
رەسپۋبليكا بويىنشا ەكپىندى جەل، وڭتۇستىك- باتىستا، شىعىستا، سولتۇستىكتە، ورتالىقتا - تۇمان كۇتىلەدى. تۇندە سولتۇستىك قازاقستان وبلىسىنىڭ سولتۇستىگىندە، اقتوبە، قوستاناي وبلىستارىنىڭ سولتۇستىك- باتىسىندا 1-3 گرادۋس ۇسىك ءجۇرۋى ىقتيمال.
قوستاناي وبلىسىنىڭ وڭتۇستىگىندە، اتىراۋ وبلىسىنىڭ سولتۇستىك- باتىسىندا، قىزىلوردا وبلىسىنىڭ شىعىسىندا، باتىس قازاقستان وبلىسىنىڭ باتىسىندا، وڭتۇستىك- باتىسىندا، شىعىس قازاقستان وبلىسىنىڭ سولتۇستىك- باتىسىندا، وڭتۇستىك- شىعىسىندا، اباي وبلىسىنىڭ ورتالىعىندا جوعارى ءورت ءقاۋىپى ساقتالادى.
اباي وبلىسىنىڭ وڭتۇستىگىندە، تۇركىستان وبلىسىنىڭ ءشولدى اۋداندارىندا، جەتىسۋ وبلىسىنىڭ شىعىسىندا توتەنشە ءورت قاۋىپى كۇتىلەدى.
اۆتور
باقىتگۇل اباي قىزى
