الماتىلىقتار NASA عارىشكەرىمەن جۇزدەستى

ا ق ش باس كونسۋلدىعى American Space Almaty Chevron كومپانياسىنىڭ قولداۋىمەن الماتىدا عارىش اپتالىعىن وتكىزىپ جاتىر.

 بۇكىل الەمدە بيىل «اي جۇلدىزعا اپارار جول» تاقىرىبىندا عارىش اپتالىعى وتۋدە. ول اپوللون 11 ميسسياسىنىڭ ايعا قونۋىنىڭ 50  جىلدىعىنا ارنالعان. وسىعان وراي قازاقستانداعى ا ق ش ديپلوماتيالىق ميسسياسى الماتىعا 2004 -جىلى NASA 19 عارىشكەرلەر توبىنىڭ مۇشەسىن ارنايى شاقىرعان.

شەننون ۋوكەر 2010 -جىلى بايقوڭىردان عارىش كەڭىستىگىنە كوتەرىلىپ، 163 كۇندىك ەكسپەديتسيادا بولعان.

عارىشكەر بۇگىن الماتىلىقتارمەن جۇزدەسىپ، ەكسپەديتسيالىق جۇمىستار بويىنشا پرەزەنتاتسيا جاسادى.

 شەننون ۋوكەر بايقوڭىردان ۇشپاس بۇرىن رف اۋماعىندا ۇزاق ۋاقىت دايىندىقتان وتكەنىن ايتىپ بەردى.

 «ءبىز رەسەيدە ءتۇرلى سكافاندەرلەردى كيۋ، ونىمەن جۇمىس ىستەۋ تۇرعىسىندا كوپتەگەن دايىندىق جۇمىستارىن جۇرگىزدىك. ولاردىڭ كەيبىرىنىڭ سالماعى تىپتەن 100 كەلىگە دەيىن تارتاتىن. مەن كىشكەنتاي كەزىمنەن عارىشكەر بولۋدى ارماندادىم جانە سوعان جەتتىم»، - دەدى ول.

 جيىن بارىسىندا ول قالا تۇرعىندارىنىڭ كوپتەگەن سۇراعىنا جاۋاپ بەردى. سونداي- اق ول «ادامدار مارستى يگەرىپ، قالا تۇرعىزا الا ما؟ » دەگەن سۇراققا دا جاۋاپ بەردى.

«قازىر مارس، اي سياقتى عالامشارلار زەرتتەلۋ ۇستىندە. ولار جەرگە قاۋىپ تونگەن كەزدە حالىقتى سوندا كوشىرۋ تۇرعىسىندا جاسالىپ جاتىر. قاي كەزدە ەكەنى بەلگىسىز، ءتۇبى ادامزات مارستى يگەرەدى»، - دەدى عارىشكەر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى