ناۋرىزدا 1000 تەڭگەلىك بانكنوتا جاڭا ديزاينمەن اينالىمعا شىعادى
استانا. KAZINFORM - قازاقستان ۇلتتىق بانكى قۇب باسقارماسىنىڭ كەزەكتى وتىرىسى ءوتتى. وندا اقشا جانە ۆاليۋتا نارىعىنداعى جاعداي تۋرالى بايانداما قابىلداندى. بۇل تۋرالى ۇلتتىق بانكتىڭ باسپا ءسوز قىزمەتى ءمالىم ەتتى.
- 2025 -جىلعى 28 -ناۋرىزدان باستاپ 2024 -جىلعى ۇلگىدەگى وزگەرتىلگەن ديزاينى بار 1000 تەڭگەلىك بانكنوتانى اينالىمعا شىعارۋ تۋرالى شەشىم قابىلداندى، - دەلىنگەن حابارلامادا.
سونداي-اق 2025 -جىلى ەكى جاڭا كوللەكتسيالىق مونەتا - «GRIFFIN» («كوشپەندىلەر اڭىزى مەن ميفتەرى» سەرياسىنان) جانە «OTYRAR» («قازاقستاندى مونەتالار ارقىلى زەرتتە» سەرياسىنان) مونەتالارىن شىعارۋ ءارى اينالىمعا ەنگىزۋ ماسەلەسى بەكىتىلدى.
ەسكە سالا كەتەيىك، بۇعان دەيىن ساق ستيلىندەگى نومينالى 2000 تەڭگەلىك جاڭا سەريالى بانكنوتالار اينالىمعا شىعاتىنىن جازعان بولاتىنبىز.
سونداي-اق ۇلتتىق بانك فۋتبول كلۋبتارىنىڭ كوللەكسيالىق مونەتالارىن اينالىمعا شىعارادى.
