ناۋرىز مەيرامىنا وراي پاۆلودار وبلىسىندا 151 كيىز ءۇي تىگىلەدى
پاۆلودار. KAZINFORM - جالپى وڭىردە ۇلىستىڭ ۇلى كۇنىنە بايلانىستى 2 مىڭنان استام مەرەكەلىك ءىس-شارا وتكىزۋ جوسپارلانعان.
ەرتىس-بايان ءوڭىرى ناۋرىز مەيرامىن لايىقتى دەڭگەيدە اتاپ وتۋگە كىرىسىپ كەتتى. وبلىستىق مادەنيەت، تىلدەردى دامىتۋ جانە ارحيۆ ءىسى باسقارماسىنىڭ مالىمەتىنشە، ايماق بويىنشا 151 كيىز ءۇي تىگىلەدى.
- 14-ناۋرىز - «كورىسۋ كۇنىنەن» («امال مەرەكەسى») باستاپ ءار كۇن كونتسەپتۋالدى باعىتتار بويىنشا اتاپ وتىلەدى. 22-ناۋرىز كۇنى ج. ايماۋىتوۆ اتىنداعى قازاق مۋزىكا- دراما تەاترىندا «قوش كەلدىڭ، ءاز- ناۋرىز» مەرەكەلىك كونتسەرتى، قالا- اۋدانداردىڭ ورتالىق الاڭدارىندا «ناۋرىز- دۋمان!» مادەني- كوپشىلىك ءىس- شارالار، فيلارمونيانىڭ كونتسەرتتىك زالىندا رۇستەمبەك وماروۆ اتىنداعى قازاق ۇلت اسپاپتار وركەسترىنىڭ «قوش كەلدىڭ، ءاز ناۋرىز!»، «Batyr mall» ساۋدا ويىن-ساۋىق ورتالىعىندا «شاڭىراق» ورتالىعى ارتىستەرىنىڭ كونسەرتى ۇيىمداستىرىلادى. پاۆلوداردىڭ ورتالىق الاڭىندا قازاقستاندىق ەسترادا ارتىستەرىنىڭ قاتىسۋىمەن مەرەكەلىك ءىس- شارا وتەدى. مەرەكە قارساڭىندا جانە مەرەكە كۇندەرى وبلىسىمىزدىڭ ساۋدا كەشەندەرىندە، قىزمەت كورسەتۋ مەكەمەلەرىندە، ساۋدا- ويىن ساۋىق ورتالىقتارىندا، دۇكەندەردە وبلىس تۇرعىندارى ءۇشىن ءتۇرلى اكتسيالار مەن جەڭىلدىكتەر ۇيىمداستىرىلادى، - دەپ مالىمدەدى باسقارمادان.
وبلىس ورتالىعىندا مەرەكەنى تويلاۋعا شىققان جۇرتشىلىققا كونتسەرتتەن كەيىن بەس مىڭ باۋىرساق تاراتىلماق.
ەسكە سالا كەتەيىك، ناۋرىزدا 1000 تەڭگەلىك بانكنوتا جاڭا ديزاينمەن اينالىمعا شىعاردى.
