ناۋرىز مەيرامى قارساڭىندا قىتايدا راديوستانسالار كۇيدى ناسيحاتتايدى
بۇگىندە قازاقستان مەن قىتاي اراسىنداعى دوستىق، تاتۋلىق جانە ۇزاقمەرزىمدى ستراتەگيالىق ارىپتەستىك قارىم- قاتىناس بەلسەندى دامىپ كەلەدى، - دەپ حابارلادى مادەنيەت جانە اقپارات مينيسترلىگى.
پرەزيدەنت قاسىم-جومارت توقايەۆ قح ر- عا رەسمي ساپارى اياسىندا شي جيڭپينمەن كەزدەسىپ، 2022-جىلى ەكى ەلگە تەڭدەي مادەني ورتالىقتار قۇرۋ تۋرالى كەلىسىمگە قول جەتكىزدى. ەلدەر اراسىنداعى مادەني ديالوگتى دامىتۋداعى بۇل ماڭىزدى قادام مادەنيەت پەن ونەر سالاسىنداعى ىنتىماقتاستىقتى نىعايتادى.
بۇگىن ق ر مادەنيەت جانە اقپارات ءمينيسترى ايدا بالايەۆا بەيجىڭگە جۇمىس ساپارى اياسىندا ق ح ر مادەنيەت جانە تۋريزم ءمينيسترى سۋن ەليمەن كەزدەسىپ، اتالمىش جوبانى جۇزەگە اسىرۋ ماسەلەلەرىن تالقىلادى.
ورتالىق قىزمەتىنىڭ نەگىزگى باعىتى مۋزەي جانە كىتاپحانا ءىسى، مۋزىكا جانە كينو ونەرى، ءتىل ۇيرەتۋ، ت. ب. بولادى دەپ جوسپارلانۋدا.
«قىتاي مەن قازاقستان- ۇزاق ۋاقىت بويى ستراتەگيالىق وداقتاس، سونداي- اق بارلىق سالا بويىنشا تىعىز قارىم قاتىناس ورناتقان سەرىكتەس. بۇگىنگى كەزدەسۋ ەكى ەل اراسىنداعى تاتۋلىقتى ودان ءارى نىعايتۋعا جانە ءوزارا ءتيىمدى ىنتىماقتاستىقتى دامىتۋعا بەرىك نەگىز بولدى. ءبىز ءوز تاراپىمىزدان ورتالىقتىڭ اشىلۋىنا قاتىستى بارلىق ماسەلەلەردى جەدەل شەشۋدە بارىنشا قولداۋ كورسەتەمىز»، - دەدى سۋن ەلي.
ءىس ساپار بارىسىندا قازاقستاندىق تاراپ قىتايداعى قازاقستان ورتالىعىنىڭ مازمۇندىق تۇجىرىمداماسىن ازىرلەپ، عيمارات تاڭداۋعا قاتىستى ۇيىمداستىرۋشىلىق ماسەلەلەر مەن قۇقىقتىق اسپەكتىلەرىن پىسىقتادى.
سونىمەن قاتار مينيسترلەر ەكى ۆەدومستۆونىڭ ودان ءارى بايلانىسىن ارتتىرۋ ماسەلەلەرىن تالقىلادى.
ەكى جاق بىرلەسكەن جۇمىستى كۇشەيتۋ ءۇشىن مادەنيەت سالاسىنداعى كەلىسىمدەرگە قول قويۋ ارقىلى ىنتىماقتاستىقتى نىعايتۋ ماسەلەسىن پىسىقتادى. اتاپ ايتساق، تەاتر جانە كونسەرتتىك ۇجىمدار اراسىنداعى گاسترولدەر، كورمەلەر مەن كلاسسيكالىق ادەبيەت تۋىندىلارىن ءوزارا اۋدارۋ، باسىپ شىعارۋ ماسەلەلەرى جانە باسقا دا جوبالار بار.
ايدا بالايەۆا قازاقستان ءۇشىن قىتايدان مۇراعات ماتەريالدارى مەن مادەني مۇرانى قايتارۋدىڭ ماڭىزىن اتاپ ءوتىپ، سيرك ونەرى مەن حورەوگرافيا سالاسىنداعى ستۋدەنتتەر مەن وقىتۋشىلارعا ارنالعان ق ح ر ماماندارىنىڭ شەبەرلىك سىنىپتارىن وتكىزۋ، كينەماتوگرافيا بويىنشا گرانتتار ءبولۋ، مۋزەي ءىسى سالاسىندا تاجىريبە الماسۋ جانە تاريحي-مادەني مۇرانى ساقتاۋ، رەستاۆراتسيالاۋ سەكىلدى ماسەلەلەر دە وزەكتى ەكەنىن تىلگە تيەك ەتتى.
ق ح ر راديو جانە تەلەديدار ىستەرى جونىندەگى مەملەكەتتىك باسقارما باسشىسى جياو شۋمينمەن كەزدەسۋ دە ماڭىزدى بولدى.
«ءبىزدىڭ مەملەكەت باسشىلارىنىڭ ارقاسىندا قازاقستان- قىتاي سەرىكتەستىگى بارلىق سالالاردا جاقسى قارقىنمەن دامىپ كەلەدى. ەكى ەلدىڭ تەلەارنالارى ءبىرقاتار بىرلەسكەن جوبالاردى جۇزەگە اسىردى. ءبىز جاڭا فورماتتا كونتەنت جاساۋ ارقىلى ميكروسەريالدار مەن ەلدەر تۋرالى بەينەروليكتەر ءتۇسىرىپ، ولاردى تەلەديدارعا تاراتۋ باعىتىنداعى جۇمىستى كۇشەيتۋدى ۇسىنامىز»، - دەدى جياو شۋمين.
ايدا بالايەۆا ق ح ر تەلەارنالارىندا كوركەم، دەرەكتى، انيماتسيالىق فيلمدەردىڭ روتاتسيالانۋىنا قولداۋ سۇرادى، سونىمەن قاتار بىرلەسكەن سەريال تۇسىرۋگە، قازاقستاننىڭ كورىكتى جەرلەرى مەن مادەني نىساندارى تۋرالى روليكتەر تۇسىرۋگە كومەكتەسۋگە ءازىر ەكەنىن ايتتى.
سونداي- اق مينيستر حابار تاراتۋ اۋقىمى بويىنشا الەمدەگى ەڭ ءىرى ب ا ق- تا كورسەتىلەتىن قىتايدىڭ تەليەۆيزيالىق شوۋلارىنا وتاندىق مادەنيەت وكىلدەرىنىڭ قاتىسۋىنا ەرەكشە قىزىعۋشىلىق تانىتاتىنىن اتاپ ءوتتى.
ايتا كەتەيىك، ەكى جاق ب ا ق جانە اقپارات، تەلە جانە راديو حابارلارىن تاراتۋ مەن اۋديوۆيزۋال ءونىم ماسەلەلەرى بويىنشا ءوزارا بايلانىس تۋرالى كەلىسىم جوبالارىن قاراستىرادى.
مينيستر ق ح ر Global China Media Corporation ءىرى مەديا كورپوراتسياسىنىڭ باس ديرەكتورى شەن حايسيۋنمەن كەزدەسۋ بارىسىندا، قىتايلىق تاراپ ەكى ەلدىڭ مادەني مۇراسى مەن مادەني قۇندىلىقتارىن ناسيحاتتاۋعا باعىتتالعان دەرەكتى فيلمدەر شىعارۋ تۋرالى كەلىسىم جاساۋدى ۇسىندى.
ناۋرىز مەيرامى قارساڭىندا قىتايلىق راديوستانسالاردا كۇيلەر روتاتسيالاناتىن بولادى.
ق ح ر ۇلتتار ىستەرى جونىندەگى مەملەكەتتىك كوميتەت ءتوراعاسى پان يۋەمەن كەزدەسۋدە ايدا بالايەۆا قازاقستان تاريحىندا العاش رەت كوپ ۇلتتى «بىرلىك» ءان- بي ءانسامبلى قۇرىلعانىن ءسوز ەتتى.
تاجىريبە الماسۋ ماقساتىندا مينيستر ءانسامبلدىڭ بەيجىڭگە گاسترولدىك ساپارىن ۇيىمداستىرۋ، سونداي- اق ق ح ر مەملەكەتتىك كوميتەتى جانىندا جۇمىس ىستەيتىن ءتۇرلى ۇلتتار مەن از ۇلتتار انسامبلدەرى كوركەمدىك جەتەكشىلەرىنىڭ ماستەر- كلاستارىن وتكىزۋ مۇمكىندىگىن قاراستىرۋدى ۇسىندى.
مينيستر بەيجىڭگە جۇمىس ساپارىنىڭ سوڭىندا قىتاي ۇلكەن تەاترىنىڭ ديرەكتورى ۆان نينمەن كەزدەستى، تاراپتار ەكى ەلدىڭ تەاتر ونەرىن دامىتۋ ماسەلەلەرىن تالقىلادى.
تەاتردا قازاقستاندىق دەلەگاتسيا «ۇلكەن قىزىل ارمان» قويىلىمىن تاماشالاپ، بيىك ەستەتيكالىق دەڭگەيدە قويىلعان بي دراماسىنان ەرەكشە اسەر الدى.
