نارىقتا جۇمىرتقا ساتاتىن دەلدالدار كوبەيگەن

بۇل تۋرالى قازاقستان رەسپۋبليكاسى باسەكەلەستىكتى قورعاۋ جانە دامىتۋ اگەنتتىگى جازدى.

2022-جىلى ەلىمىزدە جۇمىرتقا ءوندىرىسىنىڭ كولەمى (4,2 پايىز)، ەكسپورت (0,2 پايىز) وڭ سەرپىن مەن يمپورت كولەمى 2,4 پايىزعا قىسقارعانى بايقالعان. ال، 2023-جىلى ءوندىرىس كولەمى (2,1 پايىز)، ەكسپورت (17 پايىز) تومەندەسە، يمپورت (50 پايىزعا) ۇلعايعان.

سونىمەن قاتار، يمپورتتالاتىن پرەميكستەردىڭ، ۆەتەرينارلىق پرەپاراتتاردىڭ، وراۋىش ماتەريالداردىڭ قىمباتتاۋى 2023-جىلى تاۋىق جۇمىرتقاسى باعاسىنىڭ 13 پايىزعا وسۋىنە سەبەپ بولدى.

2022-جىلدىڭ اياعى مەن 2023-جىلدىڭ باسىندا بايقالعان جۇمىرتقا باعاسىنىڭ ءوسۋ قارقىنىن تومەندەتۋ ءۇشىن جەدەل شارالار كەشەنى قابىلداندى. جۇمىرتقا وندىرۋشىلەر مەن كوتەرمە ساۋداگەرلەرگە 11 حابارلاما جىبەرىلدى. شىمكەنت ق. (شىمكەنت قۇس)، الماتى وبلىسىندا (سارى-بۇلاق، الساد)، قوستاناي (جاس-قانات)، تۇركىستان (بەس-قارا)، س ق و (ادەل قۇس، الەكري)، اقمولا (كۋروچكا ريابا) تاۋىق جۇمىرتقالارىن وندىرۋشىلەرگە قاتىستى 8 تەرگەۋ جۇرگىزىلدى. سالىنعان ايىپپۇلداردىڭ جالپى كولەمى 124,8 ميلليون تەڭگەنى قۇرادى.

سونىمەن قاتار، جۇمىرتقالاردى كوتەرمە ساۋدادا وتكىزۋ نارىعىن تۇراقتى باعالىق باقىلاۋ جاعدايىندا كاسىپكەر ەمەس جەكە تۇلعالار ارقىلى قۇس فابريكالارىنىڭ ءونىمدى وتكىزۋ كولەمىنىڭ ۇلعايۋى بايقالادى.

سونداي-اق، ساۋدا جەلىلەرىنىڭ الەۋمەتتىك ماڭىزى بار ازىق-تۇلىك تاۋارىنا 15 پايىز تۇرىندەگى ساۋدا ۇستەمەسىنىڭ بەلگىلەنگەن مولشەرىن ساقتاماۋ فاكتىلەرى انىقتالدى. وسى فاكتىلەر بويىنشا ءتيىستى ماتەريالدار مەملەكەتتىك كىرىستەر كوميتەتىنە جانە قۇزىرەتى بويىنشا ساۋدا كوميتەتىنە جىبەرىلدى.

تۇتاستاي العاندا، اگروونەركاسىپتىك كەشەننىڭ وزگە تاۋار نارىقتارىنعىداي، تالداۋ شەڭبەرىندە نەگىزگى نازار اۋىل شارۋاشىلىعى تاۋار ءوندىرىسىن دامىتۋ شارالارىنا اۋدارىلادى. بۇل اگروونەركاسىپتىك كەشەننىڭ مونوپوليالىق ەمەس تاۋار نارىقتارىن تىكەلەي جانە جاناما باعالىق رەتتەۋ قۇرالدارىن قىسقارتۋ، جەڭىلدىكتى كرەديتتەۋ ۇلەسىن ۇلعايتۋ، اۋىل شارۋاشىلىعى وندىرۋشىلەرىنىڭ ساۋدا جەلىلەرى مەن وزگە دە ينفراقۇرىلىمعا كەدەرگىسىز قول جەتكىزۋىن قامتاماسىز ەتۋ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى