مۇزدىڭ قالىڭدىعىن تۇسىنەن قالاي انىقتاۋعا بولادى

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، قازىر وڭىردە «مۇز-2024» اكسياسى جۇرگىزىلىپ جاتىر. سونىڭ اياسىندا قۇتقارۋشىلار ەرىكتىلەرمەن جانە پوليتسەيلەرمەن بىرلەسىپ 1300-دەن استام رەت رەيدكە شىقتى. حالىققا مۇزداعى قاۋىپسىزدىك شارالارىن ساقتاۋ قاجەتتىگى تۇسىندىرىلۋدە.

- مۇزدىڭ قالىڭدىعىن تۇسىنەن انىقتاۋعا بولادى. مۇزدىڭ ءتۇسى سۇر بولسا ول تەز سىنىپ كەتەدى. كوگىلدىر بولسا بەرىك دەگەن ءسوز. قامىس جانە باسقا دا وسىمدىكتەر وسەتىن جەرلەردە مۇز ۇنەمى جۇقا بولادى. سۋ ايدىندارىنداعى قاۋىپسىزدىك ەرەجەلەرىنە سايكەس قالىڭدىعى 25 سانتيمەتردەن كەم مۇزعا شىققان كەزدە وزىڭىزبەن بىرگە ىسقىرىق، قۇتقارۋ جيلەتىن، ديامەترى كەمىندە 11 م م ارقان، ۇزىندىعى كەمىندە 2 مەتر تاياق الۋىڭىز قاجەت، - دەيدى وبلىستىق ت ج د باستىعىنىڭ ورىنباسارى يسحار ساۆازوۆ.

وسى قاۋىپسىزدىك شارالارىن بۇزعاندار اكىمشىلىك جاۋاپكەرشىلىككە تارتىلىپ، ايىپپۇل تولەيدى.

ايتا كەتەيىك، جىل باسىنان بەرى شىعىس قازاقستاندا بالىق اۋلاۋ كەزىندە 4 بالىقشى سۋعا باتىپ كەتكەن. بارلىق وقيعا قاۋىپسىزدىك شارالارىنىڭ بۇزىلۋى سالدارىنان بولدى.

ەسكە سالساق، وسىعان دەيىن كۇرشىم اۋدانىندا بالىق اۋلاپ جۇرگەن ەكى ادام سۋعا باتىپ كەتكەنى حابارلانعان.

تالعاتجان مۋحاماديەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى