مۇزداتقىشتا قانداي تاعام تۇرلەرىن ساقتاۋعا بولمايدى

دارىگەرلەر كەيبىر ونىمدەردى مۇزداتقاننان ەشتەڭە وزگەرمەيتىنىن، ساپاسى مەن ءدامى كەيىن دە ساقتالاتىنىن ايتادى. دەگەنمەن، كەيبىر تاعامداردىڭ ءدامى ازايىپ، پايدالى قاسيەتتەرىنىڭ ءبىر بولىگىن جوعالتۋى نەمەسە ءتىپتى دەنساۋلىعىڭىزعا زيان تيگىزۋى مۇمكىن.

ديەتالىق ەت جانە بالىق

كوپتەگەن ادام تاۋىقتىڭ ءتوس ەتى مەن بالىقتى مۇزداتقىشتا ۇزاق ۋاقىت ساقتايدى. ءبىراق بۇل ونىمدەر مۇزداتقىشتا نەعۇرلىم ۇزاق ساقتالسا، اقۋىزدىڭ جاسۋشالىق قابىرعالارى ىدىراۋ قاۋپى سوعۇرلىم جوعارىلايدى، ەت قۇرعاپ، ءدامدى بولمايدى.

سونىمەن قاتار ەگەر ەت مۇزداتقىشتا ءبىر ايدان استام ۋاقىت بويى جاتسا، ونىڭ پايداسى دا ازايادى. ءبىراق تاعامدىق قۇندىلىعى وزگەرىسسىز قالادى.

كوكونىستەر

كوكونىستى ۇزاق مۇزداتۋ كەزىندە پايدالى قاسيەتتەرى جوعالادى. سوندىقتان ونى ساتىپ العان كەزدە بىردەن جەگەن دۇرىس.

نان

ەگەر ءسىز مۇزداتىلعان توقاشتى، كرۋاسسانى جانە باسقا كونديتەرلىك ونىمدەردى ساتىپ الۋدى ۇناتساڭىز، وندا بۇل ادەتتەن باس تارتقان دۇرىس. ويتكەنى مۇنداي كونديتەرلىك ونىمدەرگە ەرىگەننەن كەيىن تابەتتى تارتاتىنداي ەتۋ ءۇشىن مولشەردەن ارتىق قانت، تۇز جانە ماي قوسادى. مۇزداتقىشتاعى توقاش ادام سىمباتى مەن جۇرەگىنە قاۋىپتى.

قۇلپىناي

- بۇل جيدەك ءوزىنىڭ كەۋەكتى تابيعاتىنا بايلانىستى سۋمەن وتە قانىققان جانە مۇزداتىلعان كەزدە ىدىراپ كەتەدى. مەن مۇزداتىلعان قۇلپىنايلاردى قولدانۋعا كەڭەس بەرمەيمىن. تىم كوپ سۇيىقتىق بولادى، مۇزداتىلعان قۇلپىنايدان جاي عانا تسەلليۋلوزا الاسىز، - دەيدى اسپاز جانە تاماقتانۋ جونىندەگى ساراپشى سيۋزەن يربي.

كوتلەتتەر

دۇكەندەگى دايىن كوتلەتتەر مۇزداتىلادى. جىبىگەننەن كەيىن حوش ءيىستى جانە ءدامدى بولۋ ءۇشىن ولارعا تىم كوپ تۇز جانە ءارتۇرلى دامدەۋىشتەر قوسىلادى. بۇل ءىسىنۋدى جانە جۇرەك پە بۇيرەكتە پروبلەمالاردى تۋدىرۋى مۇمكىن.

قايناتىلعان قامىرلار

- بۇل پەچەنە، تورتتار ت. ب بولۋى مۇمكىن. قايناتىلعان قامىرلار مۇزداتقىشتا جاقسى ساقتالمايدى، سوندىقتان ول ەرىگەن كەزدە ءسىز «دىمقىل، ءبىرتۇرلى ءپىشىندى دەسەرتكە" يە بولاسىز. مۇنداي وقيعالاردى بولدىرماۋ ءۇشىن كەيبىر وندىرۋشىلەر قانت پەن كونسەرۆانتتاردى ارتىق قوسادى اعزاڭىزدى اياڭىز. شىنىمەن قالاساڭىز، جاڭا پىسكەن تورت ساتىپ الىڭىز، - دەيدى كونديتەر اسپاز گۋندەرسون.

بروككولي

بۇل مۇزداتۋ جانە ەرىتۋ كەزىندە مەتامورفوزعا توتەپ بەرمەيتىن وتە نازىك كوكونىس. بىرىنشىدەن، ول ءوزىنىڭ دامدىك قاسيەتتەرىن جوعالتادى، قىتىرلاق جانە دارۋمەنگە باي بولمايدى. ەكىنشىدەن، ونى مۇزداتقىشتا نەعۇرلىم ۇزاق ۇستاساڭىز، بروككوليگە سۋ كوبىرەك جينالادى، بۇل قورەكتىك زاتتاردىڭ جوعالۋىنا اكەلۋى مۇمكىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى