مەيىرىم نۇرسۇلتانوۆ الەمدەگى ەڭ مىقتى ءۇش بوكسشىنىڭ قاتارىنا كىردى
قازاقستاندىق مەيىرىم نۇرسۇلتانوۆ (19-0، 11 ك و) BoxRec تۇجىرىمى بويىنشا ورتا سالماقتاعى ەڭ مىقتى بوكسشىلاردىڭ توپ-3 تىزىمىنە كىردى، دەپ حابارلايدى Vesti.kz.
مۇنىڭ الدىندا مەيىرىم بۇل رەيتينگتە ءتورتىنشى بولاتىن. ال جاڭارتىلعان تىزىمدە ءۇشىنشى ورىنعا كوتەرىلدى. ونىڭ الدىندا تەك كىشى كريس يۋبەنك پەن ليام سميت تۇر.
ايتا كەتەيىك، دومينيكانا رەسپۋبليكاسىندا ءوتىپ جاتقان WBO كونۆەنتسياسىندا نۇرسۇلتانوۆ 2023-جىلدىڭ ۇزدىك بوكسشىسى اتاندى.
ال وعان دەيىن BoxRec پورتالىنىڭ تۇجىرىمى بويىنشا نۇرسۇلتانوۆ سالماققا قاراماستان (Р4Р) قازاقستاننىڭ ەڭ مىقتى بوكسشىلارىنىڭ رەيتىنگىندە كوش باسىنا شىققان بولاتىن. وسىلايشا، ول بۇل رەيتينگتە كوپتەگەن جىل كوش باستاپ كەلگەن گولوۆكيندى الماستىردى.
قازىر مەيىرىم ورتا سالماقتا WBC رەيتينگىندە ەكىنشى، IBF - بەسىنشى جانە WBO جەلىسى بويىنشا ءۇشىنشى ورىندا.
