چەمپيوندار ليگاسىنىڭ نەگىزگى كەزەڭىنە شىققان «قايرات» قانشا تابىس تاپتى

ىرىكتەۋ كەزەڭىندە قازاقستاندىق كلۋب سلوۆەنيانىڭ «وليمپيا» كومانداسىن (ەكى ويىن قورىتىندىسى بويىنشا - 3:1) ، فينليانديانىڭ كۋپس كلۋبىن (3:2) جانە سلوۆاكيانىڭ «سلوۆان» كومانداسىن (1:1, پەنالتي بويىنشا - 4:3) جەڭىپ شىقتى، ال پلەي- وفف كەزەڭىندە شوتلانديانىڭ اتاقتى «سەلتيك» كومانداسىن تۋرنيردەن شىعاردى (0:0, پەنالتي بويىنشا - 3:2) .

چەمپيوندار ليگاسىنىڭ توپتىق كەزەڭىنە شىققانى ءۇشىن «قايرات» 18,62 ميلليون ەۋرو (11,6 ميلليارد تەڭگە) تابىس تاپتى. جالپى كەزەڭدە جەڭىس ءۇشىن - 2,1 ميلليون ەۋرو (1,3 ميلليارد تەڭگە)، ال تەڭ ويىن ءۇشىن - 700 مىڭ ەۋرو (436 ميلليون تەڭگە) سىياقى قاراستىرىلعان.

ايتا كەتەيىك، كەشە الماتىدا چەمپيوندار ليگاسىنىڭ پلەي-وفف كەزەڭىنىڭ جاۋاپتى ويىنى ءوتتى. وندا الماتىلىقتار شوتلانديالىق «سەلتيكپەن» كەزدەسىپ، قوس ويىننىڭ قورىتىندىسى بويىنشا العاش رەت ءوز تاريحىندا چەمپيوندار ليگاسىنىڭ توپتىق كەزەڭىنە جولداما الدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى