استانادا 22-23-اقپاندا اۋىل شارۋاشىلىعى جارمەڭكەسى وتەدى
استانا. KAZINFORM - ەلوردادا 22-جانە 23-اقپاندا كەزەكتى قالالىق اۋىل شارۋاشىلىعى جارمەڭكەسى وتەدى، دەپ جازدى استانا اكىمدىگىنىڭ رەسمي سايتى.
جارمەڭكەدە قازاقستاننىڭ ءتۇرلى وڭىرلەرىنەن جەرگىلىكتى فەرمەرلەر مەن وندىرۋشىلەردىڭ ونىمدەرى ۇسىنىلادى. قالا تۇرعىندارى مەن قوناقتارى كوكونىستەر مەن جەمىستەردى، ەت، ۇن جانە ءسۇت ونىمدەرىن، كونديتەرلىك ونىمدەردى، تابيعي شىرىنداردى جانە ت. ب. ساتىپ الا الادى.
ءىس- شارا 22-جانە 23-اقپاندا ساعات 10:00 دەن 22:00 گە دەيىن نۇرعيسا تىلەنديەۆ داڭعىلى، 12ا مەكەنجايىنداعى «Koktal» ساۋدا- ويىن- ساۋىق ورتالىعىندا وتەدى.
ايتا كەتەيىك، بۇعان دەيىن جارمەڭكەدە قازاقستاننىڭ ءتۇرلى وڭىرلەرىنەن - اقمولا، اباي، شىعىس قازاقستان جانە قىزىلوردا وبلىستارىنان جەرگىلىكتى فەرمەرلەر مەن وندىرۋشىلەردىڭ ونىمدەرى تىكەلەي ۇسىنىلعان ەدى.
