مينيسترلىك سۋدى كولەڭكەلى نارىقتا ساتقانداردىڭ ءىسىن باس پروكۋراتۋراعا جولدادى

بۇل تۋرالى ۆەدومستۆونىڭ باسپا ءسوز قىزمەتى اقپارات تاراتتى.

- جىل باسىنان بەرى سۋ رەسۋرستارى جانە يرريگاتسيا مينيسترلىگىنىڭ ىشكى اۋديت دەپارتامەنتى جۇرگىزگەن تەكسەرىس ناتيجەسىندە 29 تۇلعا اكىمشىلىك جاۋاپكەرشىلىككە تارتىلدى. بۇل جۇمىستار سۋدىڭ «كولەڭكەلى» نارىعىمەن، سۋ سالاسىنداعى زاڭسىز ارەكەتتەرمەن كۇرەسۋ جانە ءتارتىپ پەن اشىقتىقتى قامتاماسىز ەتۋ ءۇشىن ىستەلىپ جاتىر. ىشكى اۋديت دەپارتامەنتى 9 ايدا 11 مەكەمەگە اۋديتورلىق تەكسەرۋ جۇرگىزدى، - دەيدى مينيسترلىكتەگى قوعاممەن بايلانىس باسقارماسىنىڭ ساراپشىسى اڭساعان ەرمەك.

مىسالى، «قازسۋشار» ر م ك- نىڭ جامبىل وبلىسىنداعى فيليالىنا جۇرگىزىلگەن تەكسەرىس سۋ رەسۋرستارىن زاڭسىز پايدالانۋدىڭ 10 عا جۋىق فاكتىسى مەن زاڭسىز سۋ بەرۋ كەلىسىمشارتىن انىقتاعان.

«اۋديت قورىتىندىسى بويىنشا مەكەمە باسشىسى مەن اسا وندىرىستىك ايماعىنىڭ باسشىسى قىزمەتىنەن بوساتىلدى. بۇدان بولەك، فيليال ديرەكتورىنىڭ ورىنباسارى مەن قورداي، بايزاق، مەركى وندىرىستىك ايماقتارىنىڭ باسشىلارى قاتاڭ سوگىس تۇرىندە تارتىپتىك جاۋاپكەرشىلىككە تارتىلدى. انىقتالعان بارلىق زاڭ بۇزۋشىلىقتاردىڭ ماتەريالدارى باس پروكۋراتۋراعا جولداندى، - دەدى اڭساعان ەرمەك.

وسىعان دەيىن سۋ رەسۋرستارى مينيسترلىگى ءبىلىم بەرۋ باعدارلاماسىنا جاڭا ماماندىقتاردى ەنگىزۋدى ۇسىنعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى