مينيسترلىك ناۋقاستاردى قىزىلشادان ەمدەۋ تارتىبىنە قاتىستى تۇسىنىك بەردى

«ۇلتتىق شۇعىل مەديتسينانى ۇيلەستىرۋ ورتالىعى مالىمەتىنە سايكەس، قىزىلشا اۋرۋىنىڭ ورشۋىنە بايلانىستى جانە جۇقپالى اۋرۋلاردىڭ تارالۋىن بولدىرماۋ ماقساتىندا وڭىرلەردەگى جەدەل مەديتسينالىق جاردەم ستانسيالارىنىڭ بارلىق قىزمەتكەرى شاقىرىلعان نىساندارعا ماسكامەن بارادى. بورتپە پايدا بولعاننان كەيىن 5 كۇنگە دەيىن ناۋقاس وقشاۋلانۋى ءتيىس. ۆاكسيناتسيالانباعان ءارى ناۋقاسپەن بايلانىستا بولعان ادامداردى ينكۋباتسيانىڭ 8 كۇننەن 17 كۇنگە دەيىن، پاسسيۆتى يممۋنيزاتسيامەن قامتىلعانداردى 21 كۇنگە دەيىن بولەكتەۋ ەسكەرىلگەن»، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.

سونىمەن قاتار، ەپيدەميا وشاقتارىنداعى 25 جاسقا دەيىنگى (ۆاكسيناتسيالانباعان، ەگىلگەنى تۋرالى دەرەكتەر جوق نەمەسە ءبىر دوزامەن ەگىلگەن) بايلانىستا بولعان ادامداردى يممۋنيزاتسيالاۋ ءتىرى قۇرامداستىرىلعان ۆاكسينامەن، قىزىلشاعا قارسى ءتىرى مونوۆالەنتتى ۆاكسينامەن ىسكە اسىرىلادى.

«قارسى كورسەتكىشتەر بولعان جاعدايدا، قىزىلشاعا قارسى ارنايى يممۋنوگلوبۋلين ەنگىزىلەدى»، - دەپ اتالىپ وتكەن ۆەدومستۆو اقپاراتىندا.

اۆتور

رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى