مينيستر كىتاپحانا سالاسى قىزمەتكەرلەرىن كاسىبي مەرەكەمەن قۇتتىقتادى

كىتاپحاناشىلار كۇنىنە ارنالعان سالتاناتتى ءىس- شاراعا ق ر مادەنيەت جانە اقپارات ءمينيسترى ايدا بالايەۆا، زيالى قاۋىم وكىلدەرى، ۇلتتىق جوعارى وقۋ ورىندارى، كوللەدجدەر، قازاقستاننىڭ بارلىق وڭىرىنەن كىتاپحاناشىلار قاتىستى.

«ادىلەتتى قازاقستان - ادال ازامات» ۇلتتىق قۇرىلتايىنىڭ ەكىنشى وتىرىسىندا مەملەكەت باسشىسى «شىن مانىندە، كىتاپ وقيتىن ەل عانا اقىلدى ۇلتقا اينالادى. ءبىز جاس ۇرپاقتىڭ كىتاپقا دەگەن قۇشتارلىعىن وياتۋىمىز كەرەك» دەپ اتاپ ءوتتى. قاسىم-جومارت كەمەل ۇلى سىزدەرگە ۇلكەن ءۇمىت ارتىپ، جاس ۇرپاقتى ۇلتتىق قۇندىلىقتار نەگىزىندە تاربيەلەپ وتىرعان كىتاپحانالار مەن كىتاپحاناشىلاردىڭ جاعدايىنا ەرەكشە نازار اۋدارادى. بۇعان كاسىبي مەرەكە، وتكەن جىلى قازاقستاندا ۇكىمەتتىڭ قاۋلىسىمەن بەكىتىلگەن كىتاپحاناشىلار كۇنى دالەل بولا الادى. ەلىمىزدە 11 مىڭعا جۋىق كىتاپحانا جۇمىس ىستەيدى. ولاردىڭ شتاتىندا 25 مىڭنان استام ادام بار، كىتاپ قورى 328 ميلليون دانادان استى. كىتاپحانا قىزمەتتەرىن پايدالانۋشىلار سانى 9,5 ميلليونعا جەتتى جانە بۇل كورسەتكىش جىل سايىن ارتىپ كەلەدى. ارينە، بارلىق جەتىستىكتەرگە كىتاپحاناشىلاردىڭ كاسىبي ەڭبەگى مەن اعارتۋشىلىق ءرولىنىڭ ارقاسىندا قولجەتكىزىلدى»، - دەپ اتاپ ءوتتى ايدا بالايەۆا.

كىتاپحانا ءىسىنىڭ دامۋىنا ەرەكشە ۇلەس قوسقان 15 قىزمەتكەر ءمينيستردىڭ قولىنان «مادەنيەت سالاسىنداعى ۇزدىگى» توسبەلگىسىن الدى. ءبىرقاتار ۇزدىك قىزمەتكەرگە مادەنيەت جانە اقپارات مينيسترلىگىنىڭ قۇرمەت گراموتالارى مەن العىس حاتتارى تابىس ەتىلدى.

سالتاناتتى ءىس-شاراعا قاتىسۋشىلار وڭىرلەردەگى كىتاپحانالىق قىزمەت كورسەتۋدەگى وزىق جوبالارمەن تانىسىپ، كىتاپحانا تاريحىنا ارنالعان ارنايى كورمەنى تاماشالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى