مينيستر: بيولوگيا، ينفورماتيكا، اعىلشىن، قازاق ءتىلى مۇعالىمدەرى ءالسىز

- پەداگوگتەردىڭ ءبىلىمىن باعالاۋ ناتيجەلەرىنە سۇيەنسەك، جوعارى وقۋ ورىندارىنىڭ تۇلەكتەرىن دايارلاۋ دەڭگەيى وڭىرلەر اراسىندا دا، وزدەرىنىڭ ىشىندە دە ايتارلىقتاي وزگەرىپ وتىرادى. 7653 تۇلەكتىڭ %45 عانا %50 دىق شەكتى دەڭگەيدەن وتە الدى. «ماقساتتى مەكتەپتەر» جوباسى اياسىندا بيولوگيا، ينفورماتيكا، اعىلشىن جانە قازاق تىلدەرى بويىنشا جۇمىس ىستەپ جۇرگەن پەداگوگتەردىڭ ءالسىز جاقتارى انىقتالدى. بۇل پاندىك بىلىمدەگى ەلەۋلى ولقىلىقتاردى كورسەتەدى جانە پەداگوگيكالىق ماماندىقتار بويىنشا دايارلاۋدى جۇرگىزەتىن جوعارى وقۋ ورىندارىنىڭ ءبىلىم بەرۋ باعدارلامالارىن دەرەۋ قايتا قاراۋدى تالاپ ەتەدى، - دەدى عاني بەيسەمبايەۆ.

سونداي-اق، ول بىلىكتىلىكتى ارتتىرۋ كۋرستارىنا رەفورما جاساۋدى تاپسىردى.

- «ورلەۋگە» پەداگوگيكالىق جوعارى وقۋ ورىندارىمەن بىرلەسە وتىرىپ، بىلىكتىلىكتى ارتتىرۋ كۋرستارىنىڭ باعدارلامالارىن تۇبەگەيلى قايتا قاراۋدى تاپسىرامىن. ولار پەداگوگتىڭ جەكە سۇرانىستارىنا بەيىمدەلىپ، يكەمدى بولۋى ءتيىس. تاعى ءبىر ايرىقشا نازار اۋداراتىن ماسەلە - پەداگوگيكالىق ەتيكا. پەداگوگتەردىڭ ءبىلىمىن باعالاۋدان ءوتۋ كەزىندە اتتەستاتتاۋ قاعيدالارىن بۇزعان 346 پەداگوگتىڭ ناتيجەلەرى جويىلدى، - دەدى عاني بەيسەمبايەۆ.

ايتا كەتۋ كەرەك، 2026-جىلى كەيبىر مەكتەپتەردە وقۋ پاندەرى بىرىكتىرىلۋى مۇمكىن.

سونداي-اق ەلدەگى 740 مەكتەپكە ديرەكتور كەرەك ەكەندىگى تۋرالى جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى