ميلان قىسقى وليمپيادا وي̆ىندارىنىڭ بيلەتى قالاي ساتىلىپ جاتىر

ميلان قىسقى وليمپيادا وي̆ىندارىنىڭ رەسمي سايتىنىڭ حابارلاۋىنشا، كورەرمەندەر رەسمي سايت ارقىلى كەستەنى تەكسەرىپ، مارشرۋتتارىن جوسپارلاي الادى. بيلەت ساتۋ ءبىرىنشى كەلگەن ادامعا، ءبىرىنشى قىزمەت كورسەتۋ پرينتسيپى بويىنشا جۇزەگە اسىرىلادى. ءاربىر پايدالانۋشى 25 ەلەكتروندى بيلەت ساتىپ الا الادى، ال بيلەت يەسى تۋرالى اقپاراتتى رەسمي قولدانبادا 2025 -جىلدىڭ جەلتوقسانىنان باستاپ تەگىن وزگەرتۋگە بولادى. 3 جاسقا دەيىنگى بالالار ەرەسەك ادامنىڭ قولىندا بولسا، ستاديونعا تەگىن كىرە الادى.

ميلانداعى قىسقى وليمپيادانى ۇيىمداستىرۋ كوميتەتى ءىس-شارانىڭ رەسمي پلاتفورماسى بيلەتتەردى ساتىپ الۋدىڭ جالعىز زاڭدى ارناسى ەكەنىن جانە بەيرەسمي پلاتفورمالارداعى بيلەتتەر كىرە الماۋ نەمەسە بيلەتتى جويۋ سياقتى تاۋەكەلدەرگە ۇشىرايتىنىن ەسكەرتتى.

بيلەت باعاسى سپورت تۇرلەرىنە بايلانىستى وزگەرەدى، ەڭ تومەنگى باعا نەبارى 30 ەۋرو. جالپى، بيلەتتەردىڭ شامامەن %20  ى 40 ەۋرودان تومەن، ال %57  دان استامى 100 ەۋرودان تومەن باعالانادى.

بيلەتتەر ا- دان D گە دەيىنگى ءتورت دەڭگەيگە بولىنەدى، ال باعالار سپورت تۇرلەرىنىڭ تانىمالدىلىعى مەن وتىراتىن ورىنعا قاراي بولىنەدى. ەڭ باستى وقيعا 2026 -جىلدىڭ 6-اقپانىندا ميلانداعى سان- سيرو ستاديونىندا وتەتىن اشىلۋ سالتاناتى بولادى.

بيلەتتىڭ ءتورت دەڭگەيگە بولىنگەن، ەڭ قىمبات بيلەتتىڭ باعاسى - 2026 ەۋرو. ال قالعان ءۇش دەڭگەيدەگى بيلەتتەر 1400 ەۋرو، 700 ەۋرو جانە 260 ەۋروعا ساتىلىپ جاتىر. جابىلۋ سالتاناتى Verona Arena دا وتەدى، بيلەتتەر سايكەسىنشە 2900 ەۋرو، 1800 ەۋرو جانە 950 ەۋروعا باعالانعان.

ەرلەر اراسىنداعى شايبالى حوككەي سياقتى تانىمال سپورت جارىستارىنىڭ بيلەتتەرىنىڭ باعاسى 190 ەۋرودان، كونكيمەن جۇگىرۋ 280 ەۋرودان جانە شورت- ترەك 450 ەۋرودان باستالادى. مانەرلەپ سىرعاناۋدان جۇپتتىق سىننىڭ بيلەتتەرى 750 ەۋروعا دەيىن ساتىلىپ وتىر.

پاراليمپيادا بيلەتتەرى ءۇشىن دە كوپتەگەن جەڭىلدىكتەر قاراستىرىلعان. 14 جاسقا دەيىنگى بالالارعا ارنالعان بيلەتتەر 10 ەۋرودان تومەن. بارلىعى 200 مىڭنان استام بيلەتتىڭ باعاسى 35 ەۋرودان تومەن بولادى.

6-مامىرعا دەيىن قىسقى وليمپيادا بيلەتتەرىن برونداۋ ءۇشىن جەڭىلدىك كەزەڭى. بۇعان دەيىن وتكەن «ءبىر جىلدىق كەرى ساناق» شاراسى كەزىندە شەكتەۋلى بيلەتتەر ساتىلىمعا شىعىپ، 660 مىڭنان استام بيلەت ساتىلىپ كەتكەن.

ستاتيستيكا كورسەتكەندەي، العاشقى ەكى كۇندە 660 مىڭنان استام بيلەت ساتىلعان، بيلەت ساتىپ الۋشىلار يتاليا، گەرمانيا، ا ق ش، ۇلى بريتانيا، شۆەيتساريا، نيدەرلاند جانە فرانسيا سياقتى ەلدەر مەن ايماقتاردى قامتيدى. ولاردىڭ ىشىندە 25 پەن 34 جاس ارالىعىنداعى اۋديتوريا 30 پايىزدان استام، ال 35 پەن 44 جاس ارالىعىنداعىلار 25 پايىزعا جۋىعىن قۇرايدى.

ەسكە سالايىق، 2026 -جىلعى وليمپيادا ويىندارى 6-22-اقپان ارالىعىندا يتاليانىڭ ميلان جانە كورتينا- د’امپەتستسو قالالارىندا وتەدى.

وسىعان دەيىن حابارلاعانىمىزداي، قازاقستان ۇلتتىق وليمپيادالىق كوميتەتى 2026 -جىلعى وليمپيادا ويىندارىنا رەسمي شاقىرتۋ الدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى