مىڭجىلدىق ساپار - گۇلدەنگەن جىبەك جولىنىڭ جاڭا كەزەڭى
«ءبىر بەلدەۋ، ءبىر جول» باستاماسىنا 10 جىل تولدى. وسىعان وراي قىتايدىڭ جەنمين جيباو باسىلىمى «ءبىر بەلدەۋ، ءبىر جول» باستاماسى تۋرالى دەرەكتى فيلم ءتۇسىردى، دەپ حابارلايدى Kazinform.
جىبەك جولى. مىڭداعان شاقىرىمعا سوزىلعان بۇل جول مىڭداعان جىلدار بويى ساقتالعان. تۇيە كەرۋەندەر «قىتاي-ەۋروپا» كونتەينەرلىك جۇك پويىزدارىنا اينالىپ، وسى باعىت بويىنشا شىعىس پەن باتىس اراسىندا ءارتۇرلى تاسىلدەرمەن تاۋارلار ۇزدىكسىز تاسىمالدانادى.
ەرجۇرەك پيونەرلەر شىعىس پەن باتىس اراسىنداعى بايلانىس كوپىرىن سالۋ ءۇشىن شولدەردى، كولدەردى جانە مۇحيتتاردى كەسىپ ءوتتى.
بۇگىندە «ءبىر بەلدەۋ، ءبىر جول» قۇرىلىسشىلارى مادەني-گەوگرافيالىق شەكارالاردى ەڭسەرىپ، قىتايدى الەممەن بايلانىستىرىپ وتىر.
بيىل «ءبىر بەلدەۋ، ءبىر جول» باستاماسىنىڭ ىسكە قوسىلعانىنا 10 جىل تولادى. قىتاي مەن بۇكىل الەم گۇلدەنگەن ۇلى جىبەك جولىنىڭ جاڭا بەينەسىن سالۋ ءۇشىن بىرلەسىپ جۇمىس اتقارىپ جاتىر.
وسىدان 10 جىل بۇرىن قازاقستاننىڭ ەلورداسى استانادا ق ح ر ءتوراعاسى شي جينپيڭ ماڭىزدى ءسوز سويلەپ، «جىبەك جولىنىڭ ەكونوميكالىق بەلدەۋىن» بىرلەسىپ قۇرۋدى ۇسىنعان بولاتىن.
ق ح ر ءتوراعاسىنىڭ بۇل ۇسىنىسى قازاقستاننىڭ بارلىق سالالارىندا قىزۋ قولداۋ تاپتى.
سوڭعى 10 جىلدا قىتاي مەن قازاقستان ەكى ەل باسشىلارىنىڭ جەكە قولداۋىمەن جانە بىرلەسكەن باسشىلىعىمەن ونداعان اۋقىمدى ىنتىماقتاستىق جوباسىن ءساتتى جۇزەگە اسىرىپ، ەكى ەلدىڭ حالقىنا پايدا اكەلىپ، ەكى ەلدىڭ ورتاق دامۋىنا ۇلەس قوستى.
«ءبىر بەلدەۋ، ءبىر جولدى» بىرلەسىپ قۇرۋ تۇجىرىمداماسى كەڭ اۋقىمدى سالالاردى قامتيدى جانە قىتاي-قازاقستان ءۇشىن ءارتۇرلى سالالارداعى ىنتىماقتاستىقتى نىعايتۋ ءۇشىن كەڭ پەرسپەكتيۆالار اشتى.
2014-جىلدىڭ قاراشاسىندا قازاقستان قىتايدىڭ «ءبىر بەلدەۋ، ءبىر جول» باستاماسىمەن ۇندەس «نۇرلى جول» اتتى جاڭا ەكونوميكالىق ساياساتتى ۇسىندى.
باعدارلامالار سايكەس كەلەدى جانە ءبىرىن-ءبىرى تولىقتىرادى.
«ءبىر بەلدەۋ، ءبىر جولدى» بىرلەسىپ سالۋ قازاقستان ينفراقۇرىلىمىنىڭ دامۋىنا، اسىرەسە قىتاي- قازاقستان اۆتوموبيل جولىنىڭ، تەمىرجول ءترانزيتىنىڭ جانە حالىقارالىق مۋلتيمودالدى كولىكتەردىڭ دامۋىنا ىقپال ەتىپ، قازاقستاننىڭ دامۋىن جەدەلدەتۋ جانە ءارتۇرلى سالالارداعى ەكىجاقتى ىنتىماقتاستىقتى كەڭەيتۋ ءۇشىن ماڭىزدى نەگىز قالادى.
بيىلعى قازان ايىندا بەيجىڭدە «ءبىر بەلدەۋ، ءبىر جول» حالىقارالىق ىنتىماقتاستىق جونىندەگى 3-جوعارى دەڭگەيدەگى فورۋم ءوتتى.
بۇل شارا - «ءبىر بەلدەۋ، ءبىر جول» باستاماسىنىڭ 10 جىلدىعىن اتاپ وتۋگە ارنالعان ەڭ سالتاناتتى شارا عانا ەمەس، سونىمەن قاتار بارلىق تاراپتار ءۇشىن جوعارى ساپالى بىرلەسكەن قۇرىلىس سالاسىنداعى ىنتىماقتاستىقتى تالقىلاۋدىڭ ماڭىزدى الاڭى.
«ءبىر بەلدەۋ، ءبىر جول» حالىقارالىق ىنتىماقتاستىعى فورۋمىنا وراي قىتاي مەن حالىقارالىق قاۋىمداستىق ناتيجەنى قورىتىندىلاپ، ىنتىماقتاستىقتى نىعايتادى.
سونىمەن قوسا «ءبىر بەلدەۋ، ءبىر جول» جوباسىنىڭ جوعارى ساپالى بىرلەسكەن قۇرىلىسىن ودان ءارى دامىتۋدى انىقتاپ، ەلدەر اراسىنداعى ءوزارا تيىمدىلىك پەن ورتاق پايداعا، حالىقتار اراسىنداعى دوستىق پەن مادەني جاقىندىققا جانە وركەنيەتتەردى ءوزارا ۇيرەنۋگە نەگىزدەلگەن «جىبەك جولى» ءداۋىرىنىڭ جاڭا تاراۋىن اشادى.
«ءبىر بەلدەۋ، ءبىر جول» باستاماسى جاھاندىق دامۋ ءۇشىن سەرىكتەستىكتەردى قالىپتاستىرۋعا سەرپىن بەرەدى دەپ كۇتىلىپ وتىر.
