ميانمادا قىلمىستىق توپتاردىڭ قولىنا تۇسكەن قازاقستاندىقتار قۇتقارىلدى

«دۋنيو» اگەنتتىگىنىڭ مالىمەتىنشە، وزبەكستان ازاماتتارى م. س. (2000 ج. ت. ) جانە ب. ۆ. (1997 ج. ت. ) ميانمادا ادام ساۋداسىنىڭ قۇربانىنا اينالىپ، وزبەكستاننىڭ تايلاندتاعى باس كونسۋلدىعىنان كومەك سۇراعان.

ولاردىڭ ايتۋىنشا، ينتەرنەت ارقىلى جوعارى جالاقىسى بار جۇمىس ۇسىنىلىپ، ۇشاق بيلەتى تەگىن بەرىلگەن. الايدا تايلاندقا جەتكەن سوڭ، ولاردى الداپ، زاڭسىز جولمەن ميانماعا وتكىزگەن. ول جەردە قىلمىستىق توپتار ولاردى الاياقتىق كولل-ورتالىقتاردا جۇمىس ىستەۋگە ماجبۇرلەپ، باعىنباعان جاعدايدا كۇش قولدانعان جانە قوقان-لوققى كورسەتكەن. بوستاندىققا شىعۋ ءۇشىن ءىرى كولەمدە اقشا تالاپ ەتىلگەن.

ۇقساس جاعدايعا 8 قىرعىزستان ازاماتى مەن 4 قازاقستان ازاماتى دا تاپ بولعان. قىرعىزستاننىڭ تايلاندتاعى ديپلوماتيالىق وكىلدىگى بولماعاندىقتان، قازاقستان مەن وزبەكستان ديپلوماتتارى قىرعىز تاراپىنىڭ ءوتىنىشى بويىنشا كومەك كورسەتكەن.

- ميانما جانە تايلاندتىڭ قۇزىرلى ورگاندارىمەن كەلىسسوزدەر جۇرگىزۋدىڭ ناتيجەسىندە اتالعان ەلدەردىڭ ازاماتتارى بوساتىلىپ، تايلاندتاعى ماەسوت شەكارالىق بەكەتىندە قازاقستان مەن وزبەكستان ديپلوماتتارىنا تاپسىرىلدى. ولار ءۇشىن ۋاقىتشا باسپانا مەن تاماق ۇيىمداستىرىلدى، - دەلىنگەن رەسمي حابارلامادا.

11-ءساۋىر كۇنى 2 وزبەكستاندىق، 4 قازاقستاندىق جانە 7 قىرعىزستاندىق ازامات تايلاندتاعى قازاقستان مەن وزبەكستاننىڭ ديپلوماتيالىق وكىلدىكتەرىنىڭ كومەگىمەن وتاندارىنا قايتارىلدى.

ايتا كەتەيىك، بۇعان دەيىن قازاقستاندا ادام ساۋداسىنىڭ قۇربانى بولعان 250 گە جۋىق ادامعا ارنايى الەۋمەتتىك قىزمەت كورسەتىلگەنى حابارلانعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى