ميانما ونلاين-الاياقتىققا كۇدىكتى 31000 ادامدى قىتايعا بەردى

Kazinform بۇل تۋرالى Reuters اگەنتتىگىنە سىلتەمە جاساپ حابارلايدى.

كۇدىكتىلەردىڭ قاتارىندا قىتايلىق ازاماتتاردى ءىرى سوماعا الداپ كەتكەن 63 «قارجىگەر» مەن قىلمىستىق سينديكات كوشباسشىلارى بار، دەپ مالىمدەدى قوعامدىق قاۋىپسىزدىك مينيسترلىگى.

قىتاي پوليتسياسى الاياقتىقپەن كۇرەستى قىركۇيەكتە باستادى، ال وسى ايدا ميانماداعى قىلمىستىق توپتارعا «جەدەل شابۋىل» جاساۋدى باستاعانىن ءمالىم ەتتى.

كۇن سايىن ميانمانىڭ مىڭنان استام الاياقتىق ورتالىقتارىندا 100000-نان اسا ادام تەلەكوممۋنيكاتسيالىق قىلمىسپەن اينالىسادى، دەپ حابارلادى قىتايلىق ب ا ق.

قىتاي ازاماتتارىن الداۋعا باعىتتالعان تەلەفون الاياقتىعىنىڭ سانى ارتۋىنا بايلانىستى سىرتقى ىستەر ءمينيسترىنىڭ كومەكشىسى وسى ايدا ميانماعا بارىپ، قىتاي ميانمامەن ترانسشەكارالىق قىلمىسپەن كۇرەستە سەرىكتەس بولۋعا دايىن ەكەنىن حابارلادى.

اۆتور

بالنۇر قوجاگەلدى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى