موحامەد سالاح الەمدەگى ەڭ كوپ جالاقى الاتىن ويىنشى بولۋى مۇمكىن
استانا. KAZINFORM - اعىلشىندىق «ليۆەرپۋل» فۋتبول كومانداسىنىڭ شابۋىلشىسى موحامەد سالاح «پاري سەن- جەرمەنگە» اۋىسسا الەمدەگى ەڭ جوعارى جالاقى الاتىن فۋتبولشى اتانۋى مۇمكىن. بۇل تۋرالى Azerbaycan 24 حابارلادى.
El Nacional باسىلىمىنىڭ حابارلاۋىنشا، ناسەر ءال- حەلايفي مىسىرلىقتى ليگا 1 ءدىڭ جاڭا جۇلدىزىنا اينالدىرعىسى كەلەدى.
پسج پرەزيدەنتى سالاحقا كەلىسىمشارتىنىڭ ءبىر بولىگى رەتىندە ماۋسىمىنا 40 ميلليون ەۋرو ۇسىنا الادى، بۇل ونى الەمدەگى ەڭ جوعارى جالاقى الاتىن فۋتبولشىلاردىڭ قاتارىنا قوسادى.
«سالاحقا ساۋد ارابياسى چەمپيوناتىنان دا بىرنەشە ۇسىنىس ءتۇستى. ونداعى بىرنەشە كلۋب وعان قوماقتى سوما ۇسىنۋعا دايىن. الايدا مىسىرلىق شابۋىلشى ەۋروپادا ويناعىسى كەلەدى»، - دەپ حابارلادى باسىلىم.
ايتا كەتەيىك، 32 جاستاعى شابۋىلشى وسى ماۋسىمدا اعىلشىن پرەمەر- ليگاسىندا 12 ويىنعا قاتىسىپ، 10 گول سوعىپ، 6 ناتيجەلى پاس بەرگەن. سالاحتىڭ مەرسيسايدتىق كلۋبپەن كەلىسىمشارتى 2025 -جىلدىڭ جازىندا اياقتالادى.
