موپەد پەن ەلەكترلى ساموكاتتىڭ كەسىرىنەن 1,7 مىڭ ادام جاپا شەككەن
استانا. قازاقپارات - 2024 -جىلدىڭ قاڭتارىنان 2025 -جىلدىڭ ناۋرىزىنا دەيىن موپەد، ەلەكترلى ساموكات جانە شاعىن ەلەكترلى كولىك قۇرالى جۇرگىزۋشىلەرىنىڭ كىناسىنەن 1597 جول-كولىك وقيعاسى بولدى.
بۇل تۋرالى Kazinform اگەنتتىگىنىڭ ساۋالىنا باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ كوميتەتى جولداعان رەسمي جاۋاپتا ايتىلعان.
كوميتەت ۇسىنعان مالىمەتتەرگە سايكەس، 2024 -جىلى موپەد جۇرگىزۋشىلەرىنىڭ (اسپالى قوزعالتقىشى بار ۆەلوسيپەدتەر، موكيكتەر جانە سكۋتەرلەر) كىناسىنەن - 1260، ەلەكترلى ساموكات جۇرگىزۋشىلەرىنىڭ كىناسىنەن - 90، ال شاعىن ەلەكتر كولىكتەرى جۇرگىزۋشىلەرىنىڭ كىناسىنەن - 144 جول-كولىك وقيعاسى تىركەلگەن.
بۇل كولىك وقيعالارىنىڭ كەسىرىنەن 1748 ادام زارداپ شەكتى، ونىڭ ىشىندە 654 ءى كامەلەتكە تولماعان. جالپى 1636 ادام جاراقات الدى (ونىڭ ىشىندە 631- ءى بالا)، ال 112 ادام، ونىڭ ىشىندە 23 بالا قازا بولدى.
جىل باسىنان بەرى موپەد جۇرگىزۋشىلەرى مەن شاعىن ەلەكتر كولىكتەرىن جۇرگىزۋشىلەردىڭ كىناسىنەن 103 كولىك وقيعاسى تىركەلىپ، سونىڭ سالدارىنان 3 ادام قايتىس بولدى، ونىڭ ىشىندە 1 ەۋى - بالا. 118 ادام جاراقات الدى، ونىڭ 37 ءسى - بالالار.
2025 -جىلى ەلەكترلى ساموكات جۇرگىزۋشىلەرىنىڭ قاتىسى بار ج ك و تىركەلمەگەن.
ايتا كەتەرلىگى، اتالعان كولىك قۇرالدارىنىڭ اراسىندا اسىرەسە موپەد جۇرگىزۋشىلەرىنىڭ كىناسىنەن بولعان جول اپاتتارىندا ادام كوپ زارداپ شەككەن: وتكەن جىلى 1461 ادام جاراقات العان، ونىڭ ىشىندە 502 ءسى - كامەلەتكە تولماعاندار. وسى وقيعالاردىڭ سالدارىنان 76 ەرەسەك ادام مەن 18 بالا مەرت بولعان.
كوميتەتتەن اتاپ وتكەندەي، كولىك جۇرگىزۋشىلەرىنىڭ كىناسى بويىنشا اقپاراتتار جول-كولىك وقيعالارى تۋرالى ەسەپتە تەك 2024 -جىلدان باستاپ كورسەتىلە باستادى، الدىڭعى جىلدارى مۇنداي مالىمەت جەكە جينالماعان. وسى سەبەپتى الدىڭعى جىلدارمەن سالىستىرىپ، بۇل كورسەتكىشتىڭ ءوسىپ نە تومەندەپ كەلە جاتقانى جايلى ءسوز قوزعاي المايمىز.
ەندىگى جەردە بارلىق ستاتيستيكالىق ەسەپتەردى qamqor.gov.kz اقپاراتتىق پورتالىنان كورۋگە بولادى.
ءبىر اتاپ وتەرلىگى، 5 -ساۋىردەن باستاپ زاڭنامالىق وزگەرىستەر كۇشىنە ەنىپ، موپەدتەر مەحانيكالىق كولىك قۇرالدارىنا تەڭەستىرىلدى. بۇدان بىلاي موپەد جۇرگىزۋشىسى مەحانيكالىق كولىك قۇرالدارىنىڭ جۇرگىزۋشىلەرىنە جۇكتەلگەن جاۋاپكەرشىلىكتىڭ بارلىق سپەكترىن موينىنا الادى.
ق ر ءى ءى م رەسمي اقپاراتىنا سايكەس، بۇگىندە ەلىمىزدە 30253 موپەد تىركەلگەن.
- موپەد، ۆەلوسيپەد جانە ەلەكترساموكات جۇرگىزۋشىلەرى - جول قوزعالىسىنىڭ قاتىسۋشىلارى. «جول ءجۇرىسى تۋرالى» زاڭنىڭ 57-بابىنا سايكەس، ۆەلوسيپەد جۇرگىزۋشىلەرى تروتۋارمەن قوزعالادى. ەلەكتروساموكات جۇرگىزۋشىلەرى اتالعان باپقا سايكەس، ۆەلوسيپەد جولىمەن نەمەسە ۆەلوسيپەد جولاعىمەن جۇرەدى. ۆەلوسيپەد جولى نەمەسە جولاعى بولماعان جاعدايدا، ەلەكتروساموكات جۇرگىزۋشىلەرى جاياۋ جۇرگىنشىلەر جولىمەن نەمەسە تروتۋارمەن 6 ك م/ساع جىلدامدىقتان اسپايتىن جىلدامدىقپەن، جاياۋ جۇرگىنشىلەرگە قاۋىپ توندىرمەي قوزعالۋى ءتيىس، - دەپ حابارلادى ءى ءى م باسپا ءسوز قىزمەتى Kazinform ساۋالىنا جاۋاپ بەرە وتىرىپ.
سونداي-اق، ۆەدومستۆو وتكەن جىلى كەيبىر كولىك تۇرلەرىنىڭ قوزعالىسىن ۇيىمداستىرۋ جانە جول قاۋىپسىزدىگىن سيفرلاندىرۋ ماسەلەلەرى بويىنشا زاڭناماعا تۇزەتۋلەر ەنگىزىلگەنىن ەسكە سالدى. وعان سايكەس قوزعالتقىشى بار ۆەلوسيپەدتەرگە تروتۋارمەن نەمەسە جاياۋ جۇرگىنشىلەر جولىمەن جۇرۋگە تىيىم سالىندى.
- جول قوزعالىسى قاۋىپسىزدىگىن قامتاماسىز ەتۋ جانە قوعامدىق ءتارتىپتى ساقتاۋ ماقساتىندا ىشكى ىستەر ورگاندارى پروفيلاكتيكالىق ءىس- شارالار جۇرگىزەدى. بۇقارالىق اقپارات قۇرالدارىندا، ءبىلىم بەرۋ ۇيىمدارىندا جانە باسقا دا الاڭداردا موپەد پەن ساموكات جۇرگىزۋشىلەرىنىڭ جول قوزعالىسى ەرەجەلەرىن ساقتاۋ ماسەلەلەرى بويىنشا اشىق ءتۇسىندىرۋ جۇمىستارى جۇرگىزىلۋدە، - دەپ اتاپ ءوتتى مينيسترلىكتەن.
اتقارىلىپ جاتقان ءتۇسىندىرۋ جۇمىستارىنا قاراماستان، ق ر ءى ءى م دەرەكتەرىنە سايكەس، 2025 -جىلدىڭ العاشقى ءۇش ايىندا 7034 موپەد جۇرگىزۋشىسى جانە 1386 ساموكات جۇرگىزۋشىسى اكىمشىلىك جاۋاپكەرشىلىككە تارتىلدى.
ەلىمىزدە وسى جىلدىڭ 5 -ساۋىرىنە دەيىن موپەدتەردى تىركەۋ جۇرگىزىلدى. 5 -ساۋىردەن كەيىن تىركەلمەگەن موپەدتەردىڭ قوزعالىسىنا تىيىم سالىندى. قۇقىق بۇزۋشىلىق انىقتالعان جاعدايدا اكىمشىلىك قۇقىق بۇزۋشىلىق تۋرالى كودەكستىڭ 590-بابى 2-تارماعىمەن اكىمشىلىك جاۋاپكەرشىلىك كوزدەلگەن - 10 ا ە ك ايىپپۇل (1 ا ە ك مولشەرى - 3932 تەڭگە) .
سوڭعى دەرەك بويىنشا، استانادا رەسمي 1341 موپەد تىركەلىپ، كۋالىك بەرىلدى.
