موڭعوليادا 2023-جىلى مال سانى ازايعان
استانا. KAZINFORM - موڭعوليادا 2023-جىل سوڭىندا ءىرى جانە ۇساق مال باسى 2022-جىلمەن سالىستىرعاندا 9,1 پايىزعا ازايىپ، 64,7 ميلليون باستى قۇرادى. بۇل تۋرالى ۇلتتىق ستاتيستيكا كوميتەتىنىڭ (ۇ ق ك) بايانداماسىنان ءمالىم بولدى، دەپ حابارلايدى مونتسامە اقپارات اگەنتتىگى.
ۇ س ك مالىمەتىنشە، وتكەن جىلمەن سالىستىرعاندا موڭعوليادا جالپى مال باسى 6,4 ميلليون باسقا (9,1 پايىز) ازايعان. اتاپ ايتقاندا، قوي سانى 3,3 ميلليون باسقا (10,2 پايىز) ، ەشكى 3 ميلليون باسقا (10,7 پايىز)، سيىر 164,3 مىڭ باسقا (2,9 پايىز)، جىلقى 8,6 مىڭ باسقا (0,2 پايىز) جانە تۇيە 3,4 مىڭ باسقا (0,7 پايىز) ازايدى.
مال ساناعىنىڭ الدىن الا قورىتىندىسى بويىنشا، موڭعولياداعى مال باسى 2023-جىلدىڭ اياعىندا 64,7 ميلليون باستى قۇرادى، ونىڭ ىشىندە قويدىڭ جالپى سانى 29,4 ميلليون، ەشكى 24,6 ميلليون، سيىر 5,3 ميلليون، جىلقى 4,8 ميلليون جانە تۇيە 473,9 مىڭ باستى قۇرادى.
شينحۋا اقپارات اگەنتتىگىنىڭ بۇدان بۇرىن حابارلاعانىنداي، 2023-جىلى موڭعوليادا اۋا رايىنىڭ قولايسىزدىعى ەلدەگى مالدىڭ، اسىرەسە قوي مەن ەشكىلەردىڭ جاپپاي قىرىلۋىنا اكەلدى.
ۇ ق ك مالىمەتىنشە، 2022-جىلدىڭ سوڭىندا موڭعوليادا 71,1 ميلليون باس مال بولعان.
