مۇرات نۇرتىلەۋ رەسەي- ۋكراينا ماسەلەسى تۋرالى: ءۇمىت وتى تۇتاندى

- بىرىككەن ۇلتتار ۇيىمى جارعىسىنىڭ قاعيداتتارىن بەرىك ۇستاناتىن ەكى مەملەكەتتىڭ پوزيتسيالارى كوپتەگەن وزەكتى ماسەلەلەر بويىنشا ۇقساس ءارى ۇندەس دەۋ ورىندى. ءارتۇرلى مالىمدەمەنىڭ سيپاتى مەن ماعىناسىن نازارعا الا وتىرىپ، رەسەي- ۋكراينا ماسەلەسى بويىنشا كەلىسسوزدەردىڭ باستالۋىنا ءۇمىت وتى تۇتانا باستادى. دەگەنمەن، بۇل شەشىم وڭاي تارقاتىلاتىن ءتۇيىن ەمەس ەكەنى تۇسىنىكتى. سونىمەن قاتار، كەلىسىمگە قادام جاساۋ، جاقسى ءۇردىس جانە ءبىز مۇنى مەيلىنشە قولدايمىز، - دەدى مۇرات نۇرتىلەۋ ب ا ق وكىلدەرىنىڭ الدىندا مالىمدەمە جاساي وتىرىپ.

سونىمەن قاتار رەسەي-ۋكراينا ماسەلەسىنە قاتىستى قازاقستانعا رەسمي ساپارمەن كەلگەن ماجارستاننىڭ سىرتقى ەكونوميكالىق بايلانىستار جانە سىرتقى ىستەر ءمينيسترى پەتەر سييارتو دا پىكىر ءبىلدىردى.

- بۇگىن ءبىز ۋكرايناداعى سوعىس تۋرالى ەگجەي-تەگجەيلى ايتتىق. سوعىستىڭ ناتيجەسىندە ءبىزدىڭ ەل ۇلكەن شىعىنعا ۇشىرادى. سوندىقتان سوعىس مۇمكىندىگىنشە ەرتەرەك اياقتالىپ، بەيبىت كەلىسىمگە قول جەتكىزۋىنە قىزىعۋشىلىق تانىتىپ وتىرمىز. ا ق ش- تىڭ جاڭا پرەزيدەنتى جانە ونىڭ بەيبىتشىلىك ساياساتى بىزگە مۇمكىندىك بەرەدى. سوندىقتان ءبىز رەسەي مەن ا ق ش اراسىنداعى ديالوگتى جوعارى دەڭگەيدە قۇپتايمىز، - دەدى پيتەر سيارتو.

سونداي-اق شەتەلدىك مەيمان كەيبىر ساياساتكەرلەردىڭ قاقتىعىستى بەيبىت جولمەن شەشۋگە جول بەرمەۋگە تىرىسىپ جاتقانىن ايتتى.

- پاريجدە سوڭعى جىلدارى ۇنەمى وتقا ماي قۇيىپ جۇرگەندەر كەزدەسەدى، ولار سوعىستى قولدايدى. بۇل سوعىستىڭ ءورشۋىن ۇنەمى ارتتىرىپ كەلە جاتقان ەلدەر، - دەپ تولىقتىردى ۆەنگريانىڭ سىرتقى ىستەر ءمينيسترى.

ودان بولەك، ق ر پرەمەر- ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ تاياۋ شىعىستاعى جاعدايعا الاڭداۋشىلىق تانىتتى.

ايتا كەتەيىك، ماجارستاننىڭ پرەزيدەنتى تاماش شۋيوك جانە پارلامەنت سپيكەرى لاسلو كيەۆەردىڭ قازاقستانعا رەسمي ساپارپەن كەلەدى.

اۆتور

داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى