مۇرات نۇرتىلەۋ قازاقستانداعى قىتاي ەلشىسىن قابىلدادى
استانا. قازاقپارات - ق ح ر ەلشىسى ءوزىنىڭ قازاقستانداعى ميسسياسى بارىسىندا ۇنەمى قولداۋ كورسەتكەنى ءۇشىن العىسىن ءبىلدىرىپ، ەلىمىزدەگى جۇمىسى ول ءۇشىن ۇلكەن جاۋاپكەرشىلىك پەن قۇرمەت بولعانىن ءبىلدىردى.
قازاقستان رەسپۋبليكاسى پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ ديپلوماتيالىق ميسسيانىڭ اياقتالۋىنا وراي قىتاي حالىق رەسپۋبليكاسىنىڭ قازاقستان رەسپۋبليكاسىنداعى ەلشىسى جاڭ شياۋدى قابىلدادى، - دەپ حابارلايدى Aikyn.kz.
م. نۇرتىلەۋ قازاق- قىتاي ىنتىماقتاستىعىنىڭ دەڭگەيىن جوعارى باعالاپ، قىتاي ديپلوماتىنىڭ ەكى ەل اراسىنداعى مىزعىماس دوستىق پەن ءوزارا قولداۋى بار ماڭگىلىك ءارى جان-جاقتى ستراتەگيالىق ارىپتەستىكتى دامىتۋعا قوسقان ۇلەسىن اتاپ ءوتتى.
ءوز كەزەگىندە ق ح ر ەلشىسى ءوزىنىڭ قازاقستانداعى ميسسياسى بارىسىندا ۇنەمى قولداۋ كورسەتكەنى ءۇشىن العىسىن ءبىلدىرىپ، ەلىمىزدەگى جۇمىسى ول ءۇشىن ۇلكەن جاۋاپكەرشىلىك پەن قۇرمەت بولعانىن ءبىلدىردى.
تاراپتار ساياسي ديالوگ پەن ساۋدا-ەكونوميكالىق ىنتىماقتاستىقتى ودان ءارى نىعايتۋدىڭ پەرسپەكتيۆالارىن بەلگىلەپ، جۇرگىزىلىپ جاتقان مادەني-گۋمانيتارلىق ءىس-شارالاردى ەكى حالىقتىڭ اراسىنداعى دوستىقتىڭ بەرىك كوپىرى دەپ اتاپ ءوتتى.
