مۇرات نۇرتىلەۋ كورەياعا و ا جاستارىنىڭ جاڭا ماماندىقتاردى يگەرۋىنە جاعداي جاساۋدى ۇسىندى
ورتالىق ازيا ەلدەرى وڭتۇستىك كورەيانىڭ تەحنيكالىق جوعارى وقۋ ورىندارىنىڭ فيليالىن اشۋعا مۇددەلى.
بۇل تۋرالى «ورتالىق ازيا - كورەيا رەسپۋبليكاسى» 16-ىنتىماقتاستىق فورۋمىندا پرەمەر-ءمينيستردىڭ ورىنباسارى - سىرتقى ىستەر ءمينيسترى مۇرات نۇرتىلەۋ ايتتى، دەپ حابارلايدى Kazinform ءتىلشىسى اشحابادتان.
«ءبىز وڭىردە جەتەكشى كورەي تەحنيكالىق جوعارى وقۋ ورىندارىنىڭ جاڭا فيليالدارىن اشۋعا مۇددەلىمىز. بۇل تۇرعىدا سەۋل ۇلتتىق عىلىم جانە تەحنولوگيالار ۋنيۆەرسيتەتىنىڭ فيليالى رەتىندە قىزىلورداداعى جاساندى ينتەللەكت جانە ينفورماتيكا مەكتەبىنىڭ اشىلۋىن ءساتتى كەيس دەۋگە بولادى. وسى تاجىريبەنى كوبەيتۋدى جانە جاڭا تەحنيكالىق ماماندىقتاردى يگەرۋدە ورتالىق ازيانىڭ بارلىق ەلدەرىنىڭ ستۋدەنتتەرىنە جاعداي جاساۋدى ۇسىنامىن. كورەيا رەسپۋبليكاسىنىڭ ۇكىمەتىنىڭ ودان ءارى قولداۋىنا ءۇمىت بىلدىرەمىن»، - دەدى مۇرات نۇرتىلەۋ.
ول قازاقستان اقپاراتتىق تەحنولوگيالار سالاسىندا ەلەۋلى تابىسقا جەتكەنىنە توقتالدى.
بۇكىل مەملەكەتتىك قىزمەتتەردىڭ 90 پايىزدان استامى اۆتوماتتاندىرىلىپ، ءبىرقاتار ءىرى قالادا جول قوزعالىسى قاۋىپسىزدىگىن ارتتىرۋ ءۇشىن اقىلدى جۇيە ەنگىزىلگەنىن اتاپ ءوتتى.
«جالپى، ورتالىق ازيا وڭىرىندە ماشينالىق وقۋ، ەلەكتروندى كوممەرتسيا جانە تولىقتىرىلعان ناقتىلىق سالالارىندا كەلەسى بۋىن ستاندارتتارىن ەنگىزۋگە قاجەت بارلىق نارسە بار. وڭتۇستىك كورەيانىڭ تاجىريبەسىن ەسكەرە وتىرىپ، وسى سالادا بىرلەسكەن ساراپتامالىق پلاتفورما قۇرۋدى ۇسىنامىن. ورتالىق ازياداعى ەڭ ءىرى «Astana Hub» IT ستارتاپتار تەحنوپاركى قولايلى الاڭعا اينالا الادى»، - دەدى قازاقستان سىرتقى ىستەر ءمينيسترى.
