مۇناي تاسىمالداۋعا قاتىستى ناقتى مالىمەتتەرگە تۇسىنىكتەمە بەرىلمەيدى - تەڭىزشيەۆرويل

ەكى كۇن بۇرىن كونسورتسيۋمنىڭ «كروپوتكينسكايا» مۇناي ايداۋ ستانساسى درون شابۋىلىنا ۇشىرادى.

«ترانسنەفت» كومپانياسىنىڭ باسپا ءسوز قىزمەتى رەسمي مالىمدەمە جاساپ، شابۋىل سالدارى 1,5-2 اي ىشىندە جويىلاتىنىن ايتتى. سونداي-اق بۇل قازاقستاننان ايدالاتىن مۇناي كولەمىنىڭ شامامەن %30- عا قىسقارۋىنا اكەلەتىنىن مالىمدەدى.

اتىراۋ وبلىسىنداعى «تەڭىز» كەن ورنىنان الىنعان مۇناي كاسپي قۇبىر كونسورتسيۋمى يەلىك ەتەتىن «تەڭىز- نوۆوروسسيسك» قۇبىرىمەن تاسىمالدانادى. ماسەلەنىڭ ءمان-جايىن سۇراپ «تەڭىز» كەنىشىن يگەرىپ جاتقان «تەڭىزشيەۆرويل» كومپانياسىنا حابارلاستىق.

- كومپانيا ساياساتىنا سايكەس «تەڭىزشيەۆرويل» (ت ش و) مۇناي تاسىمالداۋعا قاتىستى ناقتى مالىمەتتەرگە تۇسىنىكتەمە بەرمەيدى. شيكى مۇناي ءوندىرۋ جانە كاسپي قۇبىر كونسورتسيۋمىنىڭ (ك ق ك) قۇبىرى ارقىلى ەكسپورتتاۋ ۇزدىكسىز جۇرگىزىلىپ جاتىر. بۇدان باسقا، ت ش و ءوزىنىڭ اعىمداعى نەمەسە بولاشاقتاعى ءوندىرىس دەڭگەيىنىڭ ناقتى دەرەكتەرىنە تۇسىنىكتەمە بەرمەيدى، - دەپ جاۋاپ بەردى كومپانيانىڭ باسپا ءسوز قىزمەتى.

ايتا كەتسەك، ق ر ەنەرگەتيكا مينيسترلىگى كاسپي قۇبىر كونسورتسيۋمى ارقىلى مۇناي ايداۋدا شەكتەۋ جوقتىعىن ءمالىم ەتتى.

قازاقستاننىڭ سىرتقى ىستەر مينيسترلىگى كاسپي قۇبىر كونسورتسيۋمىنىڭ مۇناي ايداۋ ستانساسىنا جاسالعان درون شابۋىلىنا قاتىستى تۇسىنىك بەردى.

اۆتور

جولداسبەك شوپەعۇل

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى