مەملەكەتتىك رامىزدەر كۇنى استانادا قانداي ءىس-شارالار وتەدى

4-ماۋسىم كۇنى قالامگەرلەر اللەياسىندا «كىتاپ قالا» اشىق اسپان استىنداعى كىتاپحانا بازاسىندا «مەملەكەتتىك رامىزدەر - ۇلتتىڭ ايشىقتى تاڭباسى» تاقىرىبىندا كىتاپ كورمەسى ۇيىمداستىرىلادى.

بۇل كۇنى ساعات 14.00-16.00 ارالىعىندا «بايتەرەك» مونۋمەنتى الدىندا «مەن - قازاقستاننىڭ پاتريوتىمىن!» اسكەري-مۋزىكالىق پاتريوتتىق شەرۋ وتەدى.

سونداي-اق، قالالىق اربات پەن قالالىق ورتالىق ساياباعىندا «رامىزدەرىم - ايبىنىم» اكسياسى وتەدى. ونىڭ اياسىندا قالا تۇرعىندارىنا مەملەكەتتىك جالاۋشالار تاراتىلىپ، ۆيكتورينا ويناتىلادى جانە قاتىسۋشىلارعا سىيلىقتار تابىستالادى.

ساعات 19:00-دە قالالىق ارباتتا «مەنىڭ ەلىم!» پاتريوتتىق اندەر شەرۋى وتەدى.

الەۋمەتتىك جەلىلەردە قازاقستان رەسپۋبليكاسىنىڭ مەملەكەتتىك رامىزدەر كۇنىنە ارنالعان ۆيرتۋالدى كورمە وتەدى.

ءبىلىم بەرۋ مەكەمەلەرى مەن ۇيىمدارىندا ءبىرقاتار ءىس- شارا وتپەك. ولار: «مەن - قازاقستان رەسپۋبليكاسىنىڭ ازاماتىمىن» پىكىرسايىسى، ق ر مەملەكەتتىك رامىزدەرى تاقىرىبىنا ارنالعان وليمپيادا، «مەملەكەتتىك رامىزدەر - ەلدىگىمىزدىڭ نىشانى» تانىمدىق ساعاتتارى، «ەلىمنىڭ رامىزدەرى» جاس اقىندار بايقاۋى، «اتامەكەن» اتتى پاتريوتتىق ولەڭدەر ورىنداۋ بويىنشا چەللەندج، «ەل رامىزدەرى - ەل رۋحى» كىتاپ كورمەسى، «ەلىمنىڭ رامىزدەر كۇنى» بالالار جۇمىستارىنىڭ قالالىق كورمەسى، «مەملەكەتتىك رامىزدەر - ۇلت ماقتانىشى» كونسەرتتىك باعدارلاماسى، «رامىزدەرىم - ماقتانىشىم!» مەرەكەلىك كونسەرتى ۇيىمداستىرىلادى.

سونىمەن قاتار 3-4 -ماۋسىم كۇندەرى قازاقستان رەسپۋبليكاسى مەملەكەتتىك رامىزدەر كۇنىنە وراي مەملەكەتتىك جانە باعىنىستى مەكەمەلەردە «مەن - قازاقستاننىڭ پاتريوتىمىن!» مەرەكەلىك ءىس- شارالارى جوسپاردا بار.

مەملەكەتتىك مەكەمەلەر، اۋماقتىق ورگاندار، باعىنىستى ۇيىمدار جانە ت. ب. اراسىندا «مەنىڭ رامىزدەرىم - مەنىڭ ماقتانىشىم!» جالپى قالالىق پاتريوتتىق اكسيا- چەللەندجى وتەدى.

الەۋمەتتىك جەلىلەردە ءبىر ۋاقىتتا مەملەكەتتىك تۋدىڭ تۇسىندا تۇسكەن سۋرەت ورنالاستىرا وتىرىپ، «مەنىڭ تۋىم - مەنىڭ ماقتانىشىم!» جالپى ۇلتتىق چەللەندجى ۇيىمداستىرىلادى.

ماۋسىمنىڭ العاشقى كۇندەرىنەن باستاپ، «تۋىمىز - تورىمىزدە!» پاتريوتتىق اكسيا وتكىزىلىپ جاتىر. ونىڭ اياسىندا ق ر مەملەكەتتىك تۋلارىن تۇرعىن ۇيلەر مەن عيماراتتاردىڭ بالكوندارى مەن تەرەزەلەرىندە جەلبىرەتۋ ءىس-شاراسى قولعا الىندى. جالپى 1000 جۋىق مەملەكەتتىك تۋ تۇرعىن ۇيلەرگە ءىلىندى.

اۆتور

ەلميرا ورالبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى