مەملەكەتتىك قىزمەتشىلەردىڭ، دەپۋتاتتار مەن سۋديالاردىڭ كىرىستەرى اشىق جاريالانادى

2025 -جىلعى 1- قاڭتاردان باستاپ «سىبايلاس جەمقورلىققا قارسى ءىس-قيمىل تۋرالى» زاڭنىڭ 11-بابىنىڭ 9-تارماعى قولدانىسقا ەنگىزىلەدى. بۇل دەگەنىمىز جوعارىدا اتالعان «ا» كورپۋسىنا جاتاتىن مەملەكەتتىك قىزمەتشىلەردىڭ كىرىستەرى مەن مۇلكى تۋرالى تاپسىرعان دەكلاراتسياسى اشىق جاريالاۋعا جاتادى. وسى ورايدا سىبايلاس جەمقورلىققا قارسى ءىس- قيمىل اگەنتتىگى «جاريالانۋعا جاتاتىن كىرىستەر مەن مۇلىك تۋرالى دەكلاراتسيادان مالىمەتتەر تىزبەسىن بەكىتۋ تۋرالى» بۇيرىق جوباسىن ازىرلەپ، «اشىق نقا» پورتالىندا جاريالادى.

«ا» كورپۋسىنا جاتاتىن ساياسي مەملەكەتتىك قىزمەتشىلەر كىرىستەر مەن مۇلىك تۋرالى دەكلاراتسيادا قانداي مالىمەتتەردى كورسەتۋى كەرەك:

- قازاقستان رەسپۋبليكاسىنان تىس جەرلەردە ساتىپ الىنعان مۇلىك (ونىڭ ىشىندە اقشا) تۋرالى اقپارات:

1) مۇلىكتىڭ ءتۇرى؛

2) مۇلىك تىركەلگەن ەل؛

3) مۇلىكتىڭ قۇنى (بار بولسا).

- قازاقستان رەسپۋبليكاسىنان تىس جەرلەردە يەلىكتەن شىعارىلعان مۇلىك (ونىڭ ىشىندە اقشا) تۋرالى اقپارات:

1) مۇلىكتىڭ ءتۇرى؛

2) مۇلىك تىركەلگەن ەل؛

3) مۇلىكتىڭ قۇنى (بار بولسا).

- قازاقستان رەسپۋبليكاسىنان تىس ورنالاسقان شەتەلدىك بانكتەردەگى بانكتىك شوتتارداعى اقشا تۋرالى اقپارات:

1) اقشانىڭ ۆاليۋتامەن كورسەتىلگەن سوماسى؛

2) بانكتىڭ اتاۋى جانە بانك ورنالاسقان ەل.

- جەكە تۇلعانىڭ مەنشىك قۇقىعىنداعى مۇلىك تۋرالى اقپارات، ياعني شەت مەملەكەتتىڭ قۇزىرەتتى ورگانىندا مەملەكەتتىك نەمەسە وزگە دە تىركەۋگە جاتاتىن مۇلىك، ەميتەنتتەرى قازاقستان رەسپۋبليكاسىنان تىس جەرلەردە تىركەلگەن باعالى قاعازدار، تسيفرلىق اكتيۆتەر، ينۆەستيتسيالىق التىن، قازاقستان رەسپۋبليكاسىنان تىس جەردە تىركەلگەن زاڭدى تۇلعانىڭ جارعىلىق كاپيتالىنداعى ۇلەسى:

1) جىلجىمايتىن مۇلىكتىڭ ءتۇرى؛

2) جىلجىمايتىن مۇلىك تىركەلگەن ەل؛

3) سانى.

قۇجات جوباسى 27 -جەلتوقسانعا دەيىن قوعامدىق تالقىلاۋعا ۇسىنىلىپ وتىر.

بيىل قاراشادا بەلگىلى بولعانداي قازاقستاندىقتاردىڭ ءبىر بولىگى دەكلاراتسيا تاپسىرۋدان بوساتىلدى.

داۋلەت ىزتىلەۋ

اۆتور

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى