مەملەكەتتىك قىزمەتشىلەر جاساندى ينتەللەكتىنى ارنايى وقيدى

- ۇكىمەت قاۋلىسىمەن سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ جاساندى ينتەللەكتىنى ەنگىزۋ بويىنشا جۇمىستى ۇيلەستىرۋ جونىندەگى فۋنكتسيالارىن كۇشەيتۋ قاجەت. سونداي- اق سيفرلاندىرۋعا جاۋاپتى ۆيتسە- مينيسترلەر ءۇشىن كەلەسى جىلى ورىندالۋعا ءتيىس ناقتى مىندەتتەر قويۋ ۇسىنىلىپ وتىر، - دەدى پرەمەر- مينيستر ولجاس بەكتەنوۆ ۇكىمەتتىڭ كوشپەلى وتىرىسىندا.

وسىلايشا، پرەمەر- مينيستر قاۋلى جوبالارى الدىن الا ازىرلەنىپ، بارلىق مۇددەلى مەملەكەتتىك ورگاندارمەن كەلىسىلگەنىن ايتتى.

- سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ ءوڭىر اكىمدەرىمەن بىرگە كەلەسى جىلى مەملەكەتتىك ورگانداردىڭ قىزمەتشىلەردى جاساندى ينتەللەكت قۇرالدارىنا وقىتۋ جونىندە شارالار قابىلداۋدى تاپسىرامىن. عىلىم جانە جوعارى ءبىلىم مينيسترلىگى جاساندى ينتەللەكت بويىنشا ءبىلىم بەرۋ باعدارلامالارى مەن كۋرستارىن دايىنداسىن، - دەگەن تاپسىرما بەردى ۇكىمەت باسشىسى.

بۇعان دەيىن ولجاس بەكتەنوۆ نەيروندىق جەلىلەر ارقىلى توتەنشە جاعدايلاردى بولجاپ، الدىن الۋ مۇمكىندىگى تۋرالى ايتقان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى